ਨਵੀਂ ਦਿੱਲੀ, 3 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਮੌਲਾਨਾ ਆਜ਼ਾਦ ਇੰਸਟੀਚਿਊਟ ਆਫ਼ ਡੈਂਟਲ ਸਾਇੰਸਜ਼ ਦੇ ਵਿਚ ਹੁਣ ਦੰਦਾਂ ਦੀ ਬਿਮਾਰੀ ਜਾਂ ਸਮੱਸਿਆ ਦੇ ਪ੍ਰਤੀ ਸੀ. ਬੀ.ਸੀ. ਟੀ. (ਕੋਨਬੀਮ ਕੰਪਿਊਟਿਡ ਟੋਮੋਗ੍ਰਾਫੀ) ਮਸ਼ੀਨ ਆ ਚੁੱਕੀ ਹੈ ਅਤੇ ਇਸ ਦੀ ਮਦਦ ਦੇ ਨਾਲ ਦੰਦਾਂ ਦੀ ਆਧੁਨਿਕ 3-ਡੀ ਇਮੇਜ ਲਈ ਜਾ ਸਕਦੀ ਹੈ | ਇਸ ਦੇ ਨਾਲ ਰੇਡੀਏਸ਼ਨ ਦਾ ਪ੍ਰਭਾਵ ਘਟੇਗਾ | ਇਸ ਤਕਨੀਕ ਦੇ ਨਾਲ ਕੀਤੀ ਗਈ ਜਾਂਚ ਦਾ ਇਹ ਲਾਭ ਹੋਵੇਗਾ ਕਿ ਰੇਡੀਏਸ਼ਨ ਪ੍ਰੰਪਰਿਕ ਸੀ. ਟੀ. ਸਕੈਨ ਦੀ ਤੁਲਨਾ ਵਿਚ 10 ਗੁਣਾਂ ਘੱਟ ਪ੍ਰਭਾਵ ਹੋਵੇਗਾ | ਇਸ ਦੇ ਨਾਲ ਸਰਜਰੀ ਦੀ ਪ੍ਰਕਿਰਿਆ ਵੀ ਬਿਹਤਰ ਹੋਵੇਗੀ | ਸੀ. ਬੀ. ਸੀ. ਟੀ. ਪ੍ਰਣਾਲੀ ਦੰਦ ਇਮੇਜ਼ਿੰਗ ਤਕਨੀਕ ਵਿਚ ਇਕ ਮਹੱਤਵਪੂਰਨ ਪ੍ਰਗਤੀ ਹੈ ਜੋ ਤੇਜ਼ ਸਕੈਨਿੰਗ ਦੀ ਸਹੂਲਤ ਵੀ ਪ੍ਰਦਾਨ ਕਰਦੀ ਹੈ |
