ਨਵੀਂ ਦਿੱਲੀ, 13 ਮਈ (ਡਾ. ਬਲਵਿੰਦਰ ਸਿੰਘ ਸੋਢੀ)-ਦਿੱਲੀ ਦੇ ਐਨ. ਡੀ. ਐਮ. ਸੀ. ਅਤੇ ਦਿੱਲੀ ਕੈਂਟ ਦੇ ਇਲਾਕੇ ਵਿਚ ਜਨਗਣਨਾ ਦਾ ਕੰਮ ਤਕਰੀਬਨ ਪੂਰਾ ਹੋਣ 'ਤੇ ਪੁੱਜ ਰਿਹਾ ਹੈ | ਇਸ ਤਰ੍ਹਾਂ ਵੀ ਕਿਹਾ ਜਾ ਸਕਦਾ ਹੈ ਕਿ ਇਹ ਕੰਮ 95% ਪੂਰਾ ਕਰ ਲਿਆ ਗਿਆ ਹੈ | ਬਾਕੀ ਜੋ 5% ਬਚਿਆ ਹੈ ਉਹ ਵੀ 2-4 ਦਿਨਾਂ ਦੇ ਵਿਚ ਪੂਰਾ ਹੋਣ ਦੀ ਸੰਭਾਵਨਾ ਬਣੀ ਹੋਈ ਹੈ | ਇਹ ਵੀ ਉਮੀਦ ਕੀਤੀ ਜਾ ਰਹੀ ਹੈ ਕਿ 15 ਮਈ ਤੱਕ ਇਹ ਕੰਮ ਸਮਾਪਤ ਹੋ ਜਾਵੇਗਾ | ਜਿਹੜੇ ਮਕਾਨਾਂ ਦੀ ਸੂਚੀ ਬਣ ਚੁੱਕੀ ਹੈ ਦੇ ਬਾਹਰ ਸੀ. ਐਨ. ਐਨ. ਨੰਬਰ ਲਿਖ ਦਿੱਤਾ ਗਿਆ ਹੈ | ਜਨਗਣਨਾ ਦੇ ਸਮੇਂ ਕੁਝ ਅਜਿਹੇ ਮਕਾਨ ਵੀ ਮਿਲੇ ਜੋ ਬੰਦ ਸਨ | ਉਨ੍ਹਾਂ ਮਕਾਨਾਂ 'ਤੇ ਨੋਟਿਸ ਲਗਾ ਦਿੱਤੇ ਗਏ ਹਨ ਜਿਨ੍ਹਾਂ 'ਤੇ 15 ਮਈ ਤੱਕ ਸੰਪਰਕ ਕਰਨ ਨੂੰ ਕਿਹਾ ਗਿਆ ਹੈ | ਜਿਨ੍ਹਾਂ ਅਧਿਕਾਰੀਆਂ ਨੇ ਇਹ ਜਨਗਣਨਾ ਦਾ ਕੰਮ ਕੀਤਾ ਹੈ, ਉਨ੍ਹਾਂ ਨੂੰ ਕਈ ਤਰ੍ਹਾਂ ਦੀਆਂ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਵੀ ਕਰਨਾ ਪਿਆ | ਜਿਸ ਵਿਚ ਪੁੱਛੇ ਗਏ ਕਈ ਸਵਾਲਾਂ ਦਾ ਉ ੱਤਰ ਉਨ੍ਹਾਂ ਨੂੰ ਨਹੀਂ ਮਿਲਿਆ | ਇਸ ਦੇ ਨਾਲ ਹੀ ਝੁੱਗੀ ਝੌਂਪੜੀਆਂ ਦੇ ਵਿਚ ਵੀ ਪ੍ਰੇਸ਼ਾਨੀ ਝੇਲਣੀ ਪਈ | ਵਰਨਣਯੋਗ ਹੈ ਕਿ 16 ਮਈ ਤੋਂ ਨਗਰ ਨਿਗਮ ਦੇ ਖੇਤਰਾਂ ਸਮੇਤ ਦੇਸ਼ ਭਰ ਵਿਚ ਜਨਗਣਨਾ ਦਾ ਅਗਲਾ ਚਰਨ ਸ਼ੁਰੂ ਹੋਵੇਗਾ |
