7 ਜੁਲਾਈ ਨੂੰ ਹੋਵੇਗਾ ਚੌਥਾ ਸ਼੍ਰੀ ਸ਼ਿਆਮ ਬਾਬਾ ਜੀ ਦਾ ਵਿਸ਼ਾਲ ਸੰਕੀਰਤਨ

ਟੋਹਾਣਾ, 5 ਜੁਲਾਈ (ਮਨਜੀਤ ਸਿੰਘ) - ਕਰੁਣਾ ਸਾਗਰ ਵੈਲਫੇਅਰ ਸੁਸਾਇਟੀ (ਰਜਿ.) ਦੀ ਸਰਪ੍ਰਸਤੀ ਹੇਠ ਸੰਚਾਲਿਕਾ ਰੀਤੂ ਰਾਣੀ ਦੀ ਅਗਵਾਈ ਵਿੱਚ ਹੋਈ ਮੀਟਿੰਗ ਦੌਰਾਨ ਸ਼੍ਰੀ ਸ਼ਿਆਮ ਮਹਿਲਾ ਅਤੇ ਬਜ਼ੁਰਗ ਅਨਾਥ ਆਸ਼ਰਮ, ਟੋਹਾਣਾ ਵੱਲੋਂ ਕਰਵਾਏ ਜਾ ਰਹੇ ਚੌਥੇ ਸ਼੍ਰੀ ਸ਼ਿਆਮ ਬਾਬਾ ਜੀ ਦੇ ਵਿਸ਼ਾਲ ਸੰਕੀਰਤਨ ਦੀਆਂ ਤਿਆਰੀਆਂ ਨੂੰ ਅੰਤਿਮ ਰੂਪ ਦਿੱਤਾ ਗਿਆ। ਮੀਟਿੰਗ ਵਿੱਚ ਸਮਾਗਮ ਨੂੰ ਸਫ਼ਲ ਬਣਾਉਣ ਲਈ ਵੱਖ-ਵੱਖ ਅਹੁਦੇਦਾਰਾਂ ਅਤੇ ਮੈਂਬਰਾਂ ਨੂੰ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ। ਫ਼ੈਸਲਾ ਕੀਤਾ ਗਿਆ ਕਿ ਚੌਥਾ ਸ਼੍ਰੀ ਸ਼ਿਆਮ ਬਾਬਾ ਜੀ ਦਾ ਸੰਕੀਰਤਨ 7 ਜੁਲਾਈ 2026 ਨੂੰ ਸ਼ਾਮ 7:30 ਵਜੇ ਤੋਂ 9:30 ਵਜੇ ਤੱਕ ਸ਼੍ਰੀ ਸ਼ਿਆਮ ਮਹਿਲਾ ਅਤੇ ਬਜ਼ੁਰਗ ਅਨਾਥ ਆਸ਼ਰਮ, ਰੇਲਵੇ ਪੁਲ ਹੇਠਾਂ, ਟੋਹਾਣਾ ਵਿਖੇ ਸ਼ਰਧਾ ਅਤੇ ਭਗਤੀ ਭਾਵਨਾ ਨਾਲ ਕਰਵਾਇਆ ਜਾਵੇਗਾ। ਇਸ ਮੌਕੇ ਰੀਤੂ ਰਾਣੀ, ਕ੍ਰਿਸ਼ਨ ਲਲੋਦਾ, ਸਰਦਾਰ ਨਿਰਮਲ ਸਿੰਘ, ਮੈਡਮ ਮਾਇਆ, ਸੰਦੀਪ ਮਲਿਕ, ਪੂਜਾ ਰਾਣੀ ਅਤੇ ਹਿਮਾਂਸ਼ੂ ਭੂਨਾ ਸਮੇਤ ਹੋਰ ਮੈਂਬਰ ਹਾਜ਼ਰ ਸਨ। ਮੀਟਿੰਗ ਵਿੱਚ ਸਮਾਗਮ ਦੀਆਂ ਤਿਆਰੀਆਂ, ਪ੍ਰਬੰਧਾਂ ਅਤੇ ਸੰਗਤ ਦੀ ਸਹੂਲਤ ਸਬੰਧੀ ਵੀ ਵਿਸਥਾਰ ਨਾਲ ਚਰਚਾ ਕੀਤੀ ਗਈ। ਸੁਸਾਇਟੀ ਦੇ ਅਹੁਦੇਦਾਰਾਂ ਨੇ ਟੋਹਾਣਾ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਦੀ ਸੰਗਤ ਨੂੰ ਆਪਣੇ ਪਰਿਵਾਰਾਂ ਸਮੇਤ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚ ਕੇ ਸ਼੍ਰੀ ਸ਼ਿਆਮ ਬਾਬਾ ਜੀ ਦੇ ਭਜਨਾਂ ਦਾ ਰਸ ਮਾਣਨ ਅਤੇ ਧਾਰਮਿਕ ਲਾਭ ਪ੍ਰਾਪਤ ਕਰਨ ਦੀ ਅਪੀਲ ਕੀਤੀ।