ਜਲੰਧਰ, 31 ਦਸੰਬਰ (ਸ਼ੈਲੀ)-ਜਲੰਧਰ 'ਚ ਰਹਿਣ ਵਾਲੇ ਉੱਤਰ ਭਾਰਤ ਸ਼ਿਵ ਸੈਨਾ ਨੇਤਾ ਦੀਪਕ ਕੰਬੋਜ ਦੀ ਬੇਟੀ ਮੁਨਮੁਨ (ਚਿਤਵਾਨ) ਦਾ ਅਚਾਨਕ ਦਿਹਾਂਤ ਹੋ ਗਿਆ | ਜਾਣਕਾਰੀ ਦਿੰਦੇ ਹੋਏ ਦੀਪਕ ਕੰਬੋਜ ਨੇ ਦੱਸਿਆ ਕਿ ਅੱਜ ਸ਼ਾਮ ਉਹ ਆਪਣੇ ਘਰ ਹੀ ਮੌਜੂਦ ਸਨ ਕਿ ਉਨ੍ਹਾਂ ਦੀ ਬੇਟੀ ਮੁਨਮੁਨ ਬਾਖਰੂਮ ਵਿਚ ਨਹਾਉਣ ਗਈ ਅਤੇ ਕਾਫੀ ਸਮਾਂ ਬਾਹਰ ਨਾ ਆਉਣ ਕਾਰਨ ਜਦੋਂ ਉਸ ਨੂੰ ਆਵਾਜ਼ਾਂ ਦਿੱਤੀਆਂ ਤਾ ਵਾਪਸ ਕੋਈ ਜਵਾਬ ਨਾ ਮਿਲਿਆ | ਇਸੇ ਦੌਰਾਨ ਉਨ੍ਹਾਂ ਦੇ ਭਰਾ ਵਿਕਾਸ ਕੰਬੋਜ ਨੇ ਬਾਥਰੂਮ ਦੀ ਖਿੜਕੀ ਰਾਹੀਂ ਦੇਖਿਆ ਤਾਂ ਮੁਨਮੁਨ ਬੇਸੁੱਧ ਪਈ ਸੀ | ਜਦੋਂ ਮੁਨਮੁਨ ਨੂੰ ਹਸਪਤਾਲ ਲਿਜਾਇਆ ਗਿਆ ਤਾਂ ਡਾਕਟਰਾਂ ਨੇ ਉਸ ਨੂੰ ਮਿ੍ਤਕ ਘੋਸ਼ਿਤ ਕਰ ਦਿੱਤਾ |
