ਜਲੰਧਰ, 25 ਜਨਵਰੀ (ਹਰਵਿੰਦਰ ਸਿੰਘ ਫੁੱਲ)- ਸੁਆਮੀ ਸੰਤ ਦਾਸ ਪਬਲਿਕ ਸਕੂਲ ਜਲੰਧਰ ਦੇ 2-ਸੀ ਦਾ ਵਿਦਿਆਰਥੀ ਅਤੇ 'ਭੰਗੜਾ ਕਿੰਗ' ਗੁਰਜੋਤ ਸਿੰਘ ਨੂੰ 'ਦੁਬਈ ਰਾਸ਼ਟਰੀ ਦਿਵਸ' ਦੇ ਮੌਕੇ 'ਤੇ ਏ.ਕੇ.ਐਸ ਫੈਸਟੀਵਲ ਵਿੱਚ ਆਪਣੀ ਭੰਗੜਾ ਅਕੈਡਮੀ ਟੀਮ ਨਾਲ ਮੈਰੀਡੇਨ ਬੀਚ ਦੁਬਈ ਵਿਖੇ ਪ੍ਰਦਰਸ਼ਨ ਕਰਨ ਦਾ ਮੌਕਾ ਮਿਲਿਆ | ਫੋਕ ਪੰਜਾਬ ਭੰਗੜਾ ਅਕੈਡਮੀ ਦੀ ਉਸ ਦੀ ਟੀਮ ਨੇ ਅੰਤਰਰਾਸ਼ਟਰੀ ਪਲੇਟਫਾਰਮ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਪ੍ਰਸ਼ੰਸਾ ਤੇ ਮਾਨਤਾ ਪ੍ਰਾਪਤ ਕੀਤੀ ਹੈ | ਸਕੂਲ ਪ੍ਰਬੰਧਕਾਂ ਨੇ ਦੱਸਿਆ ਕਿ ਗੁਰਜੋਤ ਸਿੰਘ ਨੇ ਸੀ.ਟੀ ਇੰਸਟੀਚਿਊਸ਼ਨ ਜਲੰਧਰ ਵਿਖੇ 'ਨੱਚ ਪੰਜਾਬੀ ਨਾਚ ਸੀਜ਼ਨ 2' ਵਿੱਚ ਵੀ ਹਿੱਸਾ ਲਿਆ ਅਤੇ ਪਹਿਲਾ ਇਨਾਮ ਤੇ ਸ਼ੋਅ ਸਟਾਪਰ ਟਰਾਫੀ ਵੀ ਜਿੱਤੀ | ਪਿ੍ੰਸੀਪਲ ਡਾ. ਸੋਨੀਆ ਮਾਗੋ ਨੇ ਉਭਰਦੇ ਸਿਤਾਰੇ ਨੂੰ ਉਸ ਦੀਆਂ ਕਈ ਪ੍ਰਾਪਤੀਆਂ 'ਤੇ ਵਧਾਈ ਦਿੱਤੀ ਤੇ ਭਵਿੱਖ 'ਚ ਵੀ ਪ੍ਰਦਰਸ਼ਨ ਜਾਰੀ ਰੱਖਣ ਤੇ ਪ੍ਰਸ਼ੰਸਾ ਅਤੇ ਇਨਾਮ ਜਿੱਤਣ ਲਈ ਉਤਸ਼ਾਹਿਤ ਕੀਤਾ |
