ਫਿਲੌਰ, 25 ਜਨਵਰੀ (ਵਿਪਨ ਗੈਰੀ)- ਗੁਰੂ ਰਵਿਦਾਸ ਜੀ ਦੇ ਪ੍ਰਕਾਸ਼ ਉਤਸਵ ਦੇ ਸਬੰਧ 'ਚ ਸਜਾਏ ਜਾਣ ਵਾਲੇ ਨਗਰ ਕੀਰਤਨ ਮੌਕੇ ਅੰਬੇਡਕਰ ਸੈਨਾ ਪੰਜਾਬ ਤਹਿਸੀਲ ਫਿਲੌਰ ਵੱਲੋਂ ਇੱਕ ਵਿਸ਼ਾਲ ਸਟੇਜ ਸਜਾਈ ਜਾਵੇਗੀ | ਜਾਣਕਾਰੀ ਸਾਂਝੀ ਕਰਦੇ ਹੋਏ ਸੈਨਾ ਦੇ ਪ੍ਰਧਾਨ ਦੀਪਕ ਰਸੂਲਪੁਰੀ ਨੇ ਦੱਸਿਆ ਕਿ 31 ਜਨਵਰੀ ਨੂੰ ਨਗਰ ਕੀਰਤਨ ਮੌਕੇ ਪੰਡਿਤ ਸ਼੍ਰੀ ਸ਼ਰਧਾ ਰਾਮ ਫਿਲੌਰੀ ਦੇ ਨਾਂਅ 'ਤੇ ਬਣੇ ਚੌਕ ਨਜ਼ਦੀਕ ਉਨ੍ਹਾਂ ਦੀ ਸਟੇਜ ਸਜੇਗੀ ਜਿਸ ਵਿਚ ਪੰਜਾਬ ਦੇ ਪ੍ਰਸਿੱਧ ਇੰਟਰਨੈਸ਼ਨਲ ਕਲਾਕਾਰ ਕਾਸ਼ੀ ਨਾਥ ਅਤੇ ਕੁਲਵਿੰਦਰ ਕਿੰਦਾ ਆਪਣੀ ਹਾਜ਼ਰੀ ਲਗਾਉਣਗੇ | ਰਸੂਲਪੁਰੀ ਨੇ ਦੱਸਿਆ ਕਿ ਇਸ ਸਾਲ ਅਸੀਂ ਸੰਗਤਾਂ ਲਈ ਵਿਸ਼ੇਸ਼ ਗੈਰ-ਸਿਆਸੀ ਤੇ ਨਿਰੋਲ ਧਾਰਮਿਕ ਸਟੇਜ ਦੀ ਵਿਵਸਥਾ ਕੀਤੀ ਹੈ |
