ਗੁਰਾਇਆ, 25 ਜਨਵਰੀ (ਬਲਵਿੰਦਰ ਸਿੰਘ)- ਜੈ ਜੈ ਰਾਧਾ ਵੱਲਭ ਸ੍ਰੀ ਹਰੀਵੰਸ਼ ਸੰਸਥਾ ਗੁਰਾਇਆ ਵੱਲੋਂ ਸ੍ਰੀ ਵਰਿੰਦਾਵਨ ਧਾਮ ਲਈ ਬੱਸ ਯਾਤਰਾ ਸ਼ਰਧਾ, ਉਤਸ਼ਾਹ ਤੇ ਧਾਰਮਿਕ ਮਾਹੌਲ 'ਚ ਕਰਵਾਈ ਗਈ | ਇਹ ਪਵਿੱਤਰ ਯਾਤਰਾ ਸ੍ਰੀ ਰਿਸ਼ੀ ਕੁਟੀਆ ਸ੍ਰੀ ਰਾਮ ਮੰਦਰ ਗੁਰਾਇਆ ਤੋਂ ਰਵਾਨਾ ਕੀਤੀ ਗਈ | ਯਾਤਰਾ ਦੀ ਸ਼ੁਰੂਆਤ ਮੰਦਰ ਦੇ ਪੁਜਾਰੀ ਸ੍ਰੀ ਰਾਜਾ ਰਾਮ ਦਾਸ ਵੱਲੋਂ ਵਿਧੀਵਤ ਪੂਜਾ-ਅਰਚਨਾ ਤੇ ਮੰਤਰ ਉਚਾਰਣ ਨਾਲ ਕਰਵਾਈ ਗਈ | ਸੰਸਥਾ ਵੱਲੋਂ ਯਾਤਰੀਆਂ ਲਈ ਖਾਣ-ਪੀਣ, ਰਹਿਣ-ਸਹਿਣ ਤੇ ਸਹੂਲਤਾਂ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ | ਇਸ ਧਾਰਮਿਕ ਯਾਤਰਾ ਦੌਰਾਨ ਯਾਤਰੀਆਂ ਨੂੰ ਸ੍ਰੀ ਵਰਿੰਦਾਵਨ ਧਾਮ, ਬਰਸਾਨਾ, ਰਮਣ ਰੇਤੀ, 84 ਖੰਭਾ, ਗੋਵਰਧਨ ਪਰਬਤ ਤੇ ਸ੍ਰੀ ਕਿ੍ਸ਼ਨ ਜਨਮ ਭੂਮੀ ਦੇ ਪਵਿੱਤਰ ਦਰਸ਼ਨ ਕਰਵਾਏ ਗਏ | ਇਹ ਬੱਸ ਸਫਲਤਾ ਪੂਰਵਕ ਯਾਤਰਾ ਕਰਕੇ ਵਾਪਸ ਗੁਰਾਇਆ ਪਰਤ ਆਈ ਹੈ |
