ਜਲੰਧਰ, 5 ਮਾਰਚ (ਸ਼ੈਲੀ)-ਜਲੰਧਰ ਵਾਸੀਆਂ ਨੇ ਹੋਲੀ ਦਾ ਤਿਉਹਾਰ ਬਹੁਤ ਉਤਸ਼ਾਹ ਨਾਲ ਮਨਾਇਆ | ਕੁਝ ਛੋਟੀਆਂ-ਮੋਟੀਆਂ ਲੜਾਈਆਂ ਨੂੰ ਛੱਡ ਕੇ, ਸ਼ਹਿਰ ਸ਼ਾਂਤੀਪੂਰਨ ਰਿਹਾ, ਅਤੇ ਹੋਲੀ ਦੌਰਾਨ ਆਪਸੀ ਭਾਈਚਾਰਕ ਸਾਂਝ ਨੂੰ ਕਾਇਮ ਰਖਦੇ ਹੋਏ ਲੋਕਾਂ ਨੇ ਇੱਕ-ਦੂਜੇ ਨੂੰ ਰੰਗ ਲਗਾ ਕੇ ਹੋਲੀ ਮਨਾਈ | ਹੋਲੀ ਦਾ ਤਿਉਹਾਰ ਵਿਸ਼ੇਸ਼ ਮਹੱਤਵ ਰੱਖਦਾ ਹੈ | ਇਸ ਤਿਉਹਾਰ ਨਾਲ ਕਈ ਮਿਥਿਹਾਸਕ ਕਹਾਣੀਆਂ ਜੁੜੀਆਂ ਹੋਈਆਂ ਹਨ, ਜਿਨ੍ਹਾਂ 'ਚੋਂ ਭਗਤ ਪ੍ਰਹਿਲਾਦ ਦੀ ਕਹਾਣੀ ਮਸ਼ਹੂਰ ਹੈ | ਹੋਲੀ ਵਾਲੇ ਦਿਨ, ਬੱਚੇ, ਨੌਜਵਾਨ ਅਤੇ ਬਜ਼ੁਰਗਾਂ ਨੇ ਇੱਕ-ਦੂਜੇ ਨਾਲ ਪਿਆਰ ਨਾਲ ਹੋਲੀ ਖੇਡੀ ਅਤੇ ਰੰਗ ਲਗਾਕੇ ਹੋਲੀ ਦੀ ਵਧਾਈ ਦਿੱਤੀ | ਇਸ਼ ਦੌਰਾਨ ਬੱਚਿਆਂ ਨੇ ਗੁਲਾਲ ਦੇ ਨਾਲ ਨਾਲ ਪਾਣੀ ਦਾ ਵੀ ਇਸਤੇਮਾਲ ਕੀਤਾ | ਬੱਚਿਆਂ ਨੇ ਪਿਚਕਾਰੀਅ ਾਂ ਅਤੇ ਗੁਬਾਰਿਆਂ ਨਾਲ ਇਕ ਦੂਜੇ 'ਤੇ ਪਾਣੀ ਸੁੱਟਿਆ | ਹੋਲੀ ਦੇ ਤਿਉਹਾਰ ਦੌਰਾਨ ਸੜਕਾਂ ਦੇ ਖਿਲਰੇ ਰੰਗ ਨਾਲ ਸਾਰੀ ਧਰਤੀ ਵੀ ਰੰਗੀਨ ਲੱਗਣ ਲੱਗ ਪਈ | ਇਸੇ ਤਰ੍ਹਾਂ ਸ਼ਹਿਰ ਦੇ ਹੋਟਲਾਂ 'ਚ ਵੀ ਹੋਲੀ ਨੂੰ ਲੈਕੇ ਕਈ ਸੰਸਥਾਵਾਂ ਵਲੋਂ ਸਮਾਰੋਹ ਕਰਵਾਏ ਗਏ |
