ਮਲਸੀਆਂ, 22 ਅਪ੍ਰੈਲ (ਸੁਖਦੀਪ ਸਿੰਘ)-ਹਵੇਲੀ ਪੱਤੀ (ਮਲਸੀਆਂ) ਵਿਖੇ ਹਰ ਸਾਲ ਦੀ ਤਰ੍ਹਾਂ ਇਸ ਵਾਰ ਵੀ ਸਿੱਧ ਬਾਬਾ ਬਾਲਕ ਨਾਥ ਜੀ ਦੇ ਦਰਬਾਰ 'ਤੇ ਬਾਬਾ ਬਾਲਕ ਨਾਥ ਅਤੇ ਲੱਖ ਦਾਤਾ ਪੀਰ ਸਖੀ ਸੁਲਤਾਨ ਦਾ ਸਾਲਾਨਾ ਮੇਲਾ ਕਰਾਉਣ ਉਪਰੰਤ ਦਰਬਾਰ ਦੇ ਗੱਦੀ ਨਸ਼ੀਨ ਬਾਬਾ ਮਾਣੇ ਸ਼ਾਹ ਕਾਦਰੀ ਦੀ ਅਗਵਾਈ ਹੇਠ ਧਾਰਮਿਕ ਅਸਥਾਨਾਂ ਦੇ ਦਰਸ਼ਨਾਂ ਲਈ ਜੈਕਾਰਿਆਂ ਦੀ ਗੂੰਜ 'ਚ ਸੰਗ ਦੀ ਰਵਾਨਗੀ ਹੋਈ | ਬਾਬਾ ਮਾਣੇ ਸ਼ਾਹ ਕਾਦਰੀ ਤੇ ਸੇਵਾਦਾਰ ਸਾਹਬੀ ਦਾਸੀਕੇ ਨੇ ਦੱਸਿਆ ਕਿ ਸੰਗ 'ਚ ਸੰਗਤਾਂ ਨੂੰ ਪੀਰ ਨਿਗਾਹੇ, ਰਾਜਾ ਭਰਥਰੀ, ਗਰੂਨਾਝਾਰੀ, ਮਾਤਾ ਰਤਨੋ, ਬਾਬਾ ਬਾਲਕ ਨਾਥ ਜੀ ਦੇ ਮੰਦਰ, ਮਾਤਾ ਚਿੰਤਪੁਰਨੀ (ਹਿਮਾਚਲ ਪ੍ਰਦੇਸ਼) ਦੇ ਦਰਸ਼ਨ ਕਰਵਾਏ ਜਾਣਗੇ | ਇਸ ਮੌਕੇ ਸੰਗਤਾਂ ਵਲੋਂ ਬਾਬਾ ਬਾਲਕ ਨਾਥ ਜੀ ਦਾ ਗੁਣਗਾਣ ਕੀਤਾ ਗਿਆ | ਇਸ ਮੌਕੇ ਸੇਵਾਦਾਰ ਨਵਰਾਜ ਸਿੰਘ ਸੰਧੇ, ਮਾਤਾ ਸੰਦੀਪ ਕੌਰ, ਸੇਵਾਦਾਰ ਸਾਹਬੀ ਦਾਸੀਕੇ, ਸੁਖਵਿੰਦਰ ਕੌਰ ਦਾਸੀਕੇ, ਯੁਵਨੀਤ ਕੌਰ, ਚਾਹਤਪ੍ਰੀਤ ਕੌਰ, ਲਵਜੀਤ ਭੱਟੀ, ਪਵਨ ਕੁਮਾਰ, ਸੁਨੀਤਾ, ਰੁਲਦੂ ਰਾਮ, ਕੁਲਦੀਪ ਸਿੰਘ, ਰਾਜਵਿੰਦਰ ਕੌਰ, ਰੌਸ਼ਨ ਲਾਲ, ਜਸ਼ਨ ਸ਼ੇਰੋਂ ਆਦਿ ਹਾਜ਼ਰ ਸਨ |
