ਜਲੰਧਰ, 12 ਜੂਨ (ਸ਼ਿਵ)-ਆਰ.ਟੀ.ਓ. ਦਫਤਰ ਵਿਚ ਵਿਚ ਸਾਫ਼ਟਵੇਅਰ ਦੇ ਅਜੇ ਤੱਕ ਅੱਪਡੇਟ ਨਾ ਹੋਣ ਕਾਰਨ ਚਲਾਨ ਤਬਦੀਲ ਹੋਣ ਦਾ ਕੰਮ ਫਸ ਗਿਆ ਤੇ ਇਨ੍ਹਾਂ ਨੂੰ ਲੈ ਕੇ ਦਫਤਰ ਵਿਚ ਆਏ ਕਈ ਲੋਕ ਅੱਜ ਵੀ ਪੇ੍ਰਸ਼ਾਨ ਰਹੇ | ਟਰਾਂਸਪੋਰਟ ਵਿਭਾਗ ਵੱਲੋਂ ਹੁਣ ਲੋਕਾਂ ਦੇ ਕੀਤੇ ਗਏ ਚਲਾਨਾਂ ਨੂੰ ਤਬਦੀਲ ਕਰਨ ਲਈ ਪਹਿਲਾਂ ਜਿਹੜਾ ਸਾਫ਼ਟਵੇਅਰ ਲਗਾਇਆ ਗਿਆ ਸੀ | ਉਸ ਨੂੰ ਅੱਪਡੇਟ ਕੀਤਾ ਜਾ ਰਿਹਾ ਹੈ ਪਰ ਅਜੇ ਤੱਕ ਇਸ ਦਾ ਕੰਮ ਪੂਰਾ ਨਾ ਹੋਣ ਕਰਕੇ ਲੋਕਾਂ ਨੂੰ ਪੇ੍ਰਸ਼ਾਨ ਹੋਣਾ ਪੈ ਰਿਹਾ ਹੈ | ਏ.ਆਰ.ਟੀ.ਓ. ਵਿਸ਼ਾਲ ਗੋਇਲ ਦਾ ਕਹਿਣਾ ਸੀ ਕਿ ਜਲਦੀ ਹੀ ਇਸ ਸਾਫ਼ਟਵੇਅਰ ਦੇ ਅੱਪਡੇਟ ਹੋਣ ਤੋਂ ਬਾਅਦ ਚਲਾਨ ਭੁਗਤਣ ਦਾ ਕੰਮ ਆਸਾਨ ਹੋ ਜਾਵੇਗਾ ਜਦਕਿ ਆਰ.ਟੀ.ਓ. ਬਲਜਿੰਦਰ ਸਿੰਘ ਢਿੱਲੋਂ ਦਾ ਕਹਿਣਾ ਸੀ ਕਿ ਚਲਾਨ ਭੁਗਤਣ ਲਈ ਸਾਫ਼ਟਵੇਅਰ ਅੱਪਡੇਟ ਹੋ ਰਿਹਾ ਹੈ ਜਿਸ ਦੇ ਤਹਿਤ ਹੁਣ ਦੇਸ਼ ਭਰ ਵਿਚ ਚਲਾਨ ਭੁਗਤਣ ਦੀ ਇੱਕੋ ਹੀ ਫ਼ੀਸ ਲਾਗੂ ਹੋ ਜਾਵੇਗੀ | ਉਨਾਂ ਕਿਹਾ ਕਿ ਲੋਕਾਂ ਨੂੰ ਸਿਰਫ਼ ਅਧਿਕ੍ਰਿਤ ਸਾਫ਼ਟਵੇਅਰ ਜਾਂ ਫਿਰ ਆਰ. ਟੀ. ਓ. ਦਫਤਰ ਵਿਚ ਹੀ ਚਲਾਨ ਭੁਗਤਣੇ ਚਾਹੀਦੇ ਹਨ ਤੇ ਉਹ ਕਿਸੇ ਝੂਠੇ ਸਾਫ਼ਟਵੇਅਰ ਵਿਚ ਚਲਾਨਾਂ ਦੀਆਂ ਰਕਮਾਂ ਨਾ ਫਸਾ ਲੈਣ |
