ਸ਼ਾਹਕੋਟ, 7 ਜੁਲਾਈ (ਸੁਖਦੀਪ ਸਿੰਘ)- ਪੰਜਾਬ ਦੀ ਕਾਂਗਰਸ ਪਾਰਟੀ ‘ਚ ਅਹੁਦੇਦਾਰੀਆਂ ਨੂੰ ਲੈ ਕੇ ਜੋ ਘਮਸਾਨ ਚੱਲ ਰਿਹਾ ਹੈ, ਉਸ ਬਾਰੇ ਗੱਲਬਾਤ ਕਰਦਿਆਂ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਬੀਬੀ ਰਾਜਿੰਦਰ ਕੌਰ ਭੱਠਲ ਦੇ ਓ.ਐੱਸ.ਡੀ. ਤੇ ਨੌਜਵਾਨ ਆਗੂ ਰਵਿੰਦਰ ਸਿੰਘ ਟੁਰਨਾ ਨੇ ਕਿਹਾ ਕਿ ਜਲਦੀ ਹੀ ਧੜੇਬੰਦੀ ਖ਼ਤਮ ਕਰਕੇ ਸਾਰੇ ਕਾਂਗਰਸੀ ਆਗੂ ਇੱਕ ਮੰਚ ‘ਤੇ ਇਕੱਠੇ ਨਜ਼ਰ ਆਉਣਗੇ। ਉਨ੍ਹਾ ਕਿਹਾ ਕਿ ਉਹ ਹਾਈਕਮਾਂਡ ਦੇ ਸੰਪਰਕ ‘ਚ ਹਨ ਤੇ ਪਾਰਟੀ ਦੀ ਕੇਂਦਰੀ ਲੀਡਰਸ਼ਿਪ ਸਾਰਿਆਂ ਨੂੰ ਬਣਦਾ ਮਾਣ-ਸਤਿਕਾਰ ਦੇ ਦੇ ਕੇ ਇੱਕਜੁਟ ਕਰ ਲਵੇਗੀ। ਇਹ ਪੁਛੇ ਜਾਣ ‘ਤੇ ਕਿ ਉਹ ਕਿਸ ਧੜੇ ‘ਚ ਹਨ ਤਾਂ ਉਨ੍ਹਾ ਕਿਹਾ ਕੇ ਹਾਈਕਮਾਂਡ ਹੀ ਸਾਡਾ ਧੜਾ ਹੈ ਤੇ ਅਸੀਂ ਸਾਰੇ ਹਾਈਕਮਾਂਡ ਦੀ ਹੀ ਮੰਨਦੇ ਹਾਂ।
