ਜ਼ੋਨਲ ਖੇਡਾਂ ਵਿਚ ਸੇਂਟ ਸੋਲਜਰ ਗਰੁੱਪ ਦੇ ਵਿਦਿਆਰਥੀਆਂ ਨੇ ਚਮਕਾਇਆ ਨਾਂਅ
ਜਲੰਧਰ, 8 ਅਗਸਤ (ਪਵਨ ਖਰਬੰਦਾ)-ਪੀ. ਐੱਸ.
ਜਲੰਧਰ, 8 ਅਗਸਤ (ਪਵਨ ਖਰਬੰਦਾ)-ਪੀ.ਐੱਸ.ਈ.ਬੀ. ਵਲੋਂ ਕਰਵਾਈਆਂ ਗਈਆਂ 70ਵੀਆਂ ਜ਼ੋਨਲ ਖੇਡਾਂ ਦੌਰਾਨ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਸੇਂਟ ਸੋਲਜਰ ਗਰੁੱਪ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸਕੂਲ ਅਤੇ ਖੇਤਰ ਦਾ ਨਾਮ ਰੌਸ਼ਨ ਕੀਤਾ ਅਤੇ ਕੁੱਲ 14 ਤਗਮੇ ਆਪਣੇ ਨਾਮ ਕੀਤੇ । ਵਿਦਿਆਰਥੀਆਂ ਨੇ 9 ਸੋਨੇ, 4 ਚਾਂਦੀ ਅਤੇ 1 ਕਾਂਸੀ ਦਾ ਤਗਮਾ ਜਿੱਤਿਆ। ਗਰੁੱਪ ਨੇ ਵਾਲੀਬਾਲ ਵਿੱਚ ਇਤਿਹਾਸ ਰਚਦਿਆਂ ਅੰਡਰ-14, ਅੰਡਰ-17 ਅਤੇ ਅੰਡਰ-19 ਤਿੰਨਾਂ ਉਮਰ ਵਰਗਾਂ ਦੇ ਮੁਕਾਬਲਿਆਂ ਵਿੱਚ ਜਿੱਤ ਹਾਸਲ ਕਰਕੇ ਜ਼ੋਨਲ ਚੈਂਪੀਅਨ ਬਣਨ ਦਾ ਮਾਣ ਪ੍ਰਾਪਤ ਕੀਤਾ। ਵਿਦਿਆਰਥੀਆਂ ਨੇ ਅੰਡਰ-14 ਕ੍ਰਿਕਟ (ਲੜਕੇ), ਅੰਡਰ-19 ਬੈਡਮਿੰਟਨ (ਲੜਕੇ), ਅੰਡਰ-19 ਵਾਲੀਬਾਲ (ਲੜਕੇ), ਅੰਡਰ-17 ਵਾਲੀਬਾਲ (ਲੜਕੇ), ਅੰਡਰ-14 ਵਾਲੀਬਾਲ (ਲੜਕੇ), ਅੰਡਰ-19 ਬੀਚ ਵਾਲੀਬਾਲ (ਲੜਕੇ), ਅੰਡਰ-17 ਬੀਚ ਵਾਲੀਬਾਲ (ਲੜਕੇ), ਅੰਡਰ-19 ਰੱਸਾਕਸ਼ੀ (ਲੜਕੀਆਂ) ਅਤੇ ਅੰਡਰ-17 ਫੁੱਟਬਾਲ (ਲੜਕੇ) ਵਿੱਚ ਸੋਨੇ ਦੇ ਤਗਮੇ ਹਾਸਲ ਕੀਤੇ । ਇਸੇ ਤਰ੍ਹਾਂ ਸਕੂਲ ਦੇ ਵਿਦਿਆਰਥੀਆਂ ਨੇ ਅੰਡਰ-14 ਬੀਚ ਵਾਲੀਬਾਲ (ਲੜਕੇ), ਅੰਡਰ-17 ਬੈਡਮਿੰਟਨ (ਲੜਕੀਆਂ), ਅੰਡਰ-17 ਰੱਸਾਕਸ਼ੀ (ਲੜਕੀਆਂ) ਅਤੇ ਅੰਡਰ-14 ਫੁੱਟਬਾਲ (ਲੜਕੇ) ਵਿੱਚ ਚਾਂਦੀ ਦੇ ਤਗਮੇ ਜਿੱਤੇ, ਜਦਕਿ ਅੰਡਰ-17 ਕ੍ਰਿਕਟ (ਲੜਕੇ) ਦੀ ਟੀਮ ਨੇ ਕਾਂਸੀ ਦਾ ਤਗਮਾ ਹਾਸਲ ਕੀਤਾ। ਪ੍ਰਿੰਸੀਪਲ ਰੁਪਿੰਦਰਜੀਤ ਸਿੰਘ ਨੇ ਸਮੂਹ ਸਟਾਫ਼ ਦੇ ਨਾਲ ਜੇਤੂ ਖਿਡਾਰੀਆਂ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਦੀ ਸ਼ਾਨਦਾਰ ਪ੍ਰਾਪਤੀ ਲਈ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ । ਗਰੁੱਪ ਦੀ ਚੇਅਰਪਰਸਨ ਸੰਗੀਤਾ ਚੋਪੜਾ ਨੇ ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਸਕੂਲ ਸਟਾਫ਼, ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਆਉਣ ਵਾਲੀਆਂ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਉਨ੍ਹਾਂ ਨੂੰ ਇਸੇ ਜਿੱਤ ਦੀ ਭਾਵਨਾ ਨੂੰ ਬਰਕਰਾਰ ਰੱਖਦਿਆਂ ਸੰਸਥਾ ਦਾ ਨਾਮ ਹੋਰ ਰੌਸ਼ਨ ਕਰਨ ਲਈ ਪ੍ਰੇਰਿਤ ਕੀਤਾ।
