ਬੇਗੋਵਾਲ, 19 ਅਪ੍ਰੈਲ (ਸੁਖਜਿੰਦਰ ਸਿੰਘ)-ਐਸ. ਪੀ. ਐਸ. ਇੰਟਰਨੈਸ਼ਨਲ ਸਕੂਲ ਬੇਗੋਵਾਲ 'ਚ ਸਕੂਲ ਦੇ ਐਮ. ਡੀ. ਡਾ. ਰਜਨੀਤ ਕੌਰ ਦੀ ਅਗਵਾਈ ਹੇਠ ਅਧਿਆਪਕ ਮਾਪੇ ਮਿਲਣੀ ਕਰਵਾਈ ਗਈ | ਜਿਸ 'ਚ ਸਕੂਲ ਦੇ ਵੱਖ-ਵੱਖ ਵਿਭਾਗਾਂ ਦੇ ਮੁਖੀਆਂ ਨੇ ਆਪਣੇ-ਆਪਣੇ ਵਿਭਾਗ ਬਾਰੇ ਮਾਪਿਆਂ ਨੂੰ ਜਾਣਕਾਰੀ ਦਿੱਤੀ | ਇਸ ਦੌਰਾਨ ਮਾਪਿਆਂ ਨੂੰ ਦੱਸਿਆ ਗਿਆ ਕਿ ਐਸ. ਪੀ. ਐਸ. ਇੰਟਰਨੈਸ਼ਨਲ ਸਕੂਲ ਦੇ ਸਾਰੇ ਕਲਾਸ ਰੂਮ ਜਿਵੇਂ ਪ੍ਰੀ-ਨਰਸਰੀ ਤੋਂ ਲੈ ਕੇ 10ਵੀਂ ਤੱਕ ਸਭ ਕਲਾਸਾਂ ਨੂੰ ਸਮਾਰਟ ਕਲਾਸ ਰੂਮ ਵਿਚ ਤਬਦੀਲ ਕੀਤਾ ਗਿਆ ਹੈ, ਜਿਸ 'ਚ ਸਕੂਲ ਦੀਆਂ ਸਾਰੀਆਂ ਲੈਬ ਜਿਵੇਂ ਕਿ ਸਾਇੰਸ ਲੈਬ, ਮਿਊਜ਼ਿਕ ਲੈਬ, ਐਕਟੀਵਿਟੀ ਲੈਬ, ਲੈਂਗੂਏਜ ਲੈਬ, ਸਪੋਰਟ ਰੂਮ, ਕੰਪਿਊਟਰ ਲੈਬ, ਆਰਟ ਰੂਮ ਵੀ ਸਮਾਰਟ ਰੂਮ ਬਣਾ ਦਿੱਤੇ ਗਏ | ਇਸ ਦੌਰਾਨ ਪ੍ਰੋਗਰਾਮ 'ਚ ਵਿਦਿਆਰਥੀਆਂ ਦੇ ਮਾਤਾ ਪਿਤਾ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ, ਜਿਸ ਦੌਰਾਨ ਸਕੂਲ ਦੇ ਪਿ੍ੰਸੀਪਲ ਵਿਪੁਲ ਮਲਹੋਤਰਾ ਨੇ ਵੀ ਬਹੁਤ ਹੀ ਵਧੀਆ ਢੰਗ ਨਾਲ ਸਕੂਲ ਦੇ ਬਾਰੇ ਜਾਣਕਾਰੀ ਦਿੰਦਿਆਂ ਹੋਇਆ ਮਾਪਿਆਂ ਨੂੰ ਦੱਸਿਆ ਕਿ ਸਾਡੇ ਸਕੂਲ 'ਚ ਹਰ ਇਕ ਵਿਦਿਆਰਥੀਆਂ ਨੂੰ ਪੜ੍ਹਾਈ 'ਚ ਕੋਈ ਵੀ ਮੁਸ਼ਕਿਲ ਨਹੀਂ ਆ ਸਕਦੀ ਕਿਉਂਕਿ ਇਸ ਸਾਡੇ ਸਕੂਲ 'ਚ ਬਹੁਤ ਹੀ ਵਧੀਆ ਐਜੂਕੇਟਡ ਅਤੇ ਤਜਰਬੇਕਾਰ ਵਾਲੇ ਅਧਿਆਪਕ ਨੇ ਜੋ ਕਿ ਹਰ ਕਦਮ ਤੇ ਵਿਦਿਆਰਥੀਆਂ ਦੇ ਨਾਲ ਰਹਿੰਦੇ ਹਨ ਅਤੇ ਉਨ੍ਹਾਂ ਦੇ ਨਾਲ ਸਹਿਯੋਗ ਵੀ ਕਰਦੇ ਹਨ ਤਾਂ ਕਿ ਕਿਸੇ ਵੀ ਵਿਦਿਆਰਥੀ ਨੂੰ ਪੜ੍ਹਾਈ 'ਚ ਕੋਈ ਵੀ ਮੁਸ਼ਕਿਲ ਨਾ ਆਵੇ | ਇਸ ਦੌਰਾਨ ਵਿਪੁਲ ਮਲਹੋਤਰਾ ਨੇ ਸਾਰੇ ਮਾਪਿਆਂ ਨੂੰ ਸਕੂਲ ਦਾ ਵਿਜ਼ਟ ਕਰਵਾਇਆ ਤੇ ਸਾਰੇ ਹੀ ਕਲਾਸ ਰੂਮ, ਲੈਬਸ ਅਤੇ ਬੈਕਗਰਾਉਂਡ ਦੇ ਵਿਚ ਜਾ ਕੇ ਜੋ ਬੱਚਿਆਂ ਦੇ ਲਈ ਨਵੇਂ ਭੰਗੂੜੇ ਲੱਗੇ ਹਨ ਉਨ੍ਹਾਂ ਨੂੰ ਵੀ ਦਿਖਾਇਆ | ਅੰਤ 'ਚ ਸਾਰੇ ਮਾਪਿਆਂ ਦਾ ਪਿ੍ੰਸੀਪਲ ਤੇ ਸਟਾਫ਼ ਨੇ ਸਕੂਲ ਵਿਚ ਆਉਣ ਦਾ ਧੰਨਵਾਦ ਕੀਤਾ |
