ਤੇਲੰਗਾਨਾ : ਸਿਲੰਡਰ ਫਟਣ ਤੋਂ ਬਾਅਦ ਘਰ ਵਿਚ ਲੱਗੀ ਅੱਗ,ਤਿੰਨ ਲੋਕਾਂ ਦੀ ਮੌਤ

ਨਲਗੋਂਡਾ (ਤੇਲੰਗਾਨਾ), 5 ਜੂਨ - ਸਿਲੰਡਰ ਫਟਣ ਤੋਂ ਬਾਅਦ ਕਾਲਕਾਵਾੜਾ, ਮਿਰਯਾਲਗੁਡਾ ਵਿਚ ਇਕ ਘਰ ਵਿਚ ਅੱਗ ਲੱਗਣ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ।ਇਕ ਫਾਇਰ ਅਧਿਕਾਰੀ ਦੇ ਅਨੁਸਾਰ, "ਬੀਤੀ ਰਾਤ ਲਗਭਗ 12.30 ਵਜੇ, ਸਾਨੂੰ ਸੂਚਨਾ ਮਿਲੀ ਕਿ ਕਾਲਕਾਵਾੜਾ, ਮਿਰਯਾਲਗੁਡਾ ਵਿਚ ਇਕ ਘਰ ਵਿਚ ਅੱਗ ਲੱਗ ਗਈ ਹੈ। ਇਕ ਫਾਇਰ ਇੰਜਣ ਮੌਕੇ 'ਤੇ ਪਹੁੰਚਿਆ ਅਤੇ ਅੱਗ 'ਤੇ ਕਾਬੂ ਪਾਇਆ। ਸਿਲੰਡਰ ਫਟਣ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਅਸੀਂ ਮਾਮਲੇ ਦੀ ਜਾਂਚ ਕਰ ਰਹੇ ਹਾਂ। ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਮ੍ਰਿਤਕਾਂ ਵਿਚ ਇਕ ਬਜ਼ੁਰਗ ਔਰਤ, ਇਕ ਕੁੜੀ ਅਤੇ ਇਕ ਮੁੰਡਾ ਹੈ। ਜਾਂਚ ਪੂਰੀ ਹੋਣ ਤੋਂ ਬਾਅਦ ਅਸੀਂ ਹੋਰ ਵੇਰਵੇ ਦੇਵਾਂਗੇ।"