ਕੁਰਾਲੀ, 29 ਜਨਵਰੀ (ਬਿੱਲਾ ਅਕਾਲਗੜ੍ਹੀਆ)-ਸਥਾਨਕ ਰੋਪੜ ਮਾਰਗ 'ਤੇ ਸਥਿਤ ਰੇਲਵੇ ਪੁਲ 'ਤੇ ਇਕ ਨੌਜਵਾਨ ਚਾਇਨਾ ਡੋਰ ਦੀ ਲਪੇਟ ਵਿੱਚ ਆਉਣ ਕਾਰਨ ਗੰਭੀਰ ਜ਼ਖਮੀ ਹੋ ਗਿਆ ਹੈ | ਜਾਣਕਾਰੀ ਅਨੁਸਾਰ ਪਿੰਡ ਬੰਨਮਾਜਰਾ ਵਾਸੀ ਜਖਮੀਂ ਨੋਜਵਾਨ ਨੇ ਦੱਸਿਆ ਕਿ ਉਹ ਅਪਣੇ ਮੋਟਰ ਸਾਇਕਲ ਤੇ ਕੁਰਾਲੀ ਤੋਂ ਪਿੰਡ ਬੰਨਮਾਜਰਾ ਜਾ ਰਿਹਾ ਸੀ, ਪਰੰਤੂ ਜਦੋਂ ਉਹ ਰੋਪੜ ਰੇਲਵੇ ਪੁਲ ਤੇ ਪਹੁਚਿਆਂ ਤਾਂ ਅਚਾਨਕ ਪਤੰਗ ਵਾਲੀ ਚਾਇਨਾ ਡੋਰ ਉਸਦੇ ਗਲ ਵਿੱਚ ਆ ਫਸ ਗਈ, ਜਿਸ ਨੇ ਗਲਾ ਚੀਰ ਦਿੱਤਾ | ਮੌਕੇ ਤੇ ਰਾਹਗੀਰਾਂ ਨੇ ਜ਼ਖਮੀਂ ਹਾਲਤ ਵਿੱਚ ਸਥਾਨਕ ਸਿਵਲ ਹਪਤਾਲ ਵਿਖੇ ਇਲਾਜ ਲਈ ਲਿਆਂਦਾ , ਜਿੱਥੇ ਡਾਕਟਰਾਂ ਨੇ ਗਲ ਤੇ ਪਏ ਡੁੰਘੇ ਜਖਮਾਂ ਨੂੰ ਟਾਂਕੇ ਅਤੇ ਹੋਰ ਇਲਾਜ ਕਰਕੇ ਛੱੁਟੀ ਕਰ ਦਿੱਤੀ ਹੈ | ਉਨਾਂ ਦੱਸਿਆ ਕਿ ਪੁਲ ਤੇ ਟੈ੍ਰਫਿਕ ਜਿਆਦਾ ਹੋਣ ਕਾਰਨ ਵੱਡਾ ਹਾਦਸਾ ਹੋਣ ਤੋਂ ਬਚ ਗਿਆ ਹੈ | ਇਸ ਸਬੰਧੀ ਇਲਾਕੇ ਦੇ ਮੋਹਤਬਰ ਸ੍ਰੋਮਣੀ ਕਮੇਟੀ ਮੈਂਬਰ ਚਰਨਜੀਤ ਸਿੰਘ ਕਾਲੇਵਾਲ, ਸਮਾਜ ਸੇਵੀ ਸੁਖਜਿੰਦਰ ਸਿੰਘ ਮਾਵੀ, ਕੌਸਲਰ ਬਹਾਦਰ ਸਿੰਘ, ਰਵਿੰਦਰ ਸਿੰਘ ਬਿੱਲਾ, ਦਲਜੀਤ ਸਿੰਘ ਸਰਪੰਚ ਰਤਨਗੜ੍ਹ ਸਿੰਬਲ, ਡਾਕਟਰ ਰਾਜਿੰਦਰ ਸਿੰਘ ਚੌਧਰੀ, ਲਖਵੀਰ ਸਿੰਘ ਬਿੱਟੂ ਗੋਸਲਾਂ ਅਤੇ ਹੋਰ ਇਲਾਕੇ ਦੇ ਮੁਹਤਬਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਚਾਇਨਾ ਡੋਰ ਤੇ ਪੂਰਨ ਤੌਰ ਤੇ ਪਾਬੰਧੀ ਲਗਾਈ ਜਾਵੇ ਤਾਂ ਜੋ ਕੋਈ ਵੱਡਾ ਹਾਦਸਾ ਨਾ ਵਾਪਰ ਜਾਵੇ |
