ਡਾ. ਗੁਰਬਚਨ ਸਿੰਘ ਨੇ ਸੰਭਾਲਿਆ ਸੀ.ਐਚ.ਸੀ. ਸੁਜਾਨਪੁਰ ਦੇ ਐਸ.ਐਮ.ਓ. ਦਾ ਅਹੁਦਾ <br/>

ਐਸ.ਐਮ.ਓ. ਡਾ. ਗੁਰਬਚਨ ਸਿੰਘ ਦਾ ਸਵਾਗਤ ਕਰਦੇ ਹੋਏ ਕਮਿਊਨਿਟੀ ਹੈਲਥ ਸੈਂਟਰ ਸਟਾਫ਼ | ਤਸਵੀਰ: ਜਗਦੀਪ ਸਿੰਘ <br/> 24-09-2025

ਸੁਜਾਨਪੁਰ, 23 ਸਤੰਬਰ (ਜਗਦੀਪ ਸਿੰਘ)-ਡਾਕਟਰ ਗੁਰਬਚਨ ਸਿੰਘ ਵਲੋਂ ਸੁਜਾਨਪੁਰ ਦੇ ਕਮਿਊਨਿਟੀ ਹੈਲਥ ਸੈਂਟਰ 'ਚ ਬਤੌਰ ਐਸ.ਐਮ.ਓ. ਅਹੁਦਾ ਸੰਭਾਲ ਲਿਆ | ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਵਲੋਂ ਉਨ੍ਹਾਂ ਨੂੰ ਜੋ ਜ਼ਿੰਮੇਵਾਰੀ ਦਿੱਤੀ ਹੈ, ਉਹ ਉਸ ਨੂੰ ਪੂਰੇ ਇਮਾਨਦਾਰੀ ਨਾਲ ਨਿਭਾਉਣਗੇ | ਡਾ: ਗੁਰਬਚਨ ਸਿੰਘ ਨੇ ਕਿਹਾ ਕਿ ਇਸ ਵੇਲੇ ਬਰਸਾਤ ਦਾ ਮੌਸਮ ਚੱਲ ਰਿਹਾ ਹੈ | ਉਨ੍ਹਾਂ ਦੇ ਵਿਭਾਗ ਵਲੋਂ ਡੇਂਗੂ ਤੇ ਮਲੇਰੀਏ ਸਬੰਧੀ ਜਾਗਰੂਕ ਕਰਨ ਲਈ ਵੱਧ ਤੋਂ ਵੱਧ ਜਾਗਰੂਕ ਪ੍ਰੋਗਰਾਮ ਕਰਵਾਏ ਜਾ ਰਹੇ ਹਨ, ਤਾਂ ਜੋ ਲੋਕ ਇਸ ਬਿਮਾਰੀ ਤੋਂ ਬਚੇ ਰਹਿਣ | ਉਨ੍ਹਾਂ ਕਿਹਾ ਕਿ ਸਾਨੂੰ ਆਪਣੇ ਆਲੇ ਦੁਆਲੇ ਦੀ ਸਫ਼ਾਈ ਵੱਲ ਖ਼ਾਸ ਧਿਆਨ ਦੇਣਾ ਚਾਹੀਦਾ ਹੈ ਅਤੇ ਕੋਈ ਵੀ ਸਮੱਸਿਆ ਆਉਣ 'ਤੇ ਤੁਰੰਤ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ | ਕਮਿਊਨਿਟੀ ਹੈਲਥ ਸੈਂਟਰ ਸਟਾਫ਼ ਵਲੋਂ ਉਨ੍ਹਾਂ ਨੂੰ ਗੁਲਦਸਤਾ ਭੇਟ ਕਰਕੇ ਜੀ ਆਇਆਂ ਕਿਹਾ ਗਿਆ | ਇਸ ਮੌਕੇ ਚਾਈਲਡ ਸਪੈਸ਼ਲਿਸਟ ਡਾ: ਆਰੁਸ਼ੀ ਸ਼ਰਮਾ, ਮਹਿਲਾ ਰੋਗਾਂ ਦੀ ਮਾਹਿਰ ਡਾ: ਆਂਚਲ ਸ਼ਰਮਾ, ਡਾ: ਗਲੋਰੀਆ ਮਸੀਹ, ਫਾਰਮੇਸੀ ਅਫ਼ਸਰ ਪ੍ਰਵੀਨ ਸੈਣੀ, ਪੁਸ਼ਪਲਤਾ, ਰਮਨ, ਗੌਰਵ, ਨਿਤੀਸ਼ ਆਦਿ ਸ਼ਾਮਿਲ ਸਨ |

ਪਿਛਲੀ ਖ਼ਬਰ ਕੈਬਨਿਟ ਮੰਤਰੀ ਕਟਾਰੂਚੱਕ ਨੇ ਬਾਰਠ ਸਾਹਿਬ ਤੋਂ ਸੁਕਾਲਗੜ੍ਹ ਤੱਕ ਬਣਾਏ ਜਾਣ ਵਾਲੇ ਮਾਰਗ ਦਾ ਰੱਖਿਆ ਨੀਂਹ ਪੱਥਰ <br/>... ਅਗਲੀ ਖ਼ਬਰ ਸੀਨੀਅਰ ਡਿਪਟੀ ਮੇਅਰ ਨੇ ਰਾਮ ਲੀਲ੍ਹਾ ਦਾ ਕੀਤਾ ਉਦਘਾਟਨ <br/>

ਡਾ. ਗੁਰਬਚਨ ਸਿੰਘ ਨੇ ਸੰਭਾਲਿਆ ਸੀ.ਐਚ.ਸੀ. ਸੁਜਾਨਪੁਰ ਦੇ ਐਸ.ਐਮ.ਓ. ਦਾ ਅਹੁਦਾ <br/>

ਸੰਬੰਧਿਤ ਖ਼ਬਰਾਂ