ਮਾਧੋਪੁਰ, 18 ਦਸੰਬਰ (ਮਹਿਰਾ)- ਮਾਧੋਪੁਰ ਜ਼ੋਨ 7 ਤੋਂ ਭਾਜਪਾ ਬਲਾਕ ਸੰਮਤੀ ਉਮੀਦਵਾਰ ਹਰੀਸ਼ ਕੁਮਾਰ ਸੰਮਾ ਨੇ ਜਿੱਤ ਪ੍ਰਾਪਤ ਕੀਤੀ ਜਿਸ ਤੋਂ ਬਾਅਦ ਉਨ੍ਹਾਂ ਵਲੋਂ ਆਪਣੇ ਜ਼ੋਨ ਦੇ ਅਧੀਨ ਪੈਂਦੇ ਪਿੰਡਾਂ ਦੇ ਲੋਕਾਂ ਦੇ ਘਰ-ਘਰ ਜਾ ਕੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਗਿਆ | ਇਸ ਮੌਕੇ ਹਰੀਸ਼ ਕੁਮਾਰ ਸ਼ੰਮਾ ਨੇ ਆਪਣੀ ਜਿੱਤ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਸਾਬਕਾ ਵਿਧਾਇਕ ਠਾਕੁਰ ਦਿਨੇਸ਼ ਸਿੰਘ ਬੱਬੂ ਅਤੇ ਆਪਣੇ ਵੋਟਰਾਂ ਤੇ ਸਪੋਰਟਰਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਉੱਥੇ ਹੀ ਸ਼ੰਮਾ ਦੇ ਸਪੋਟਰਾਂ ਵਲੋਂ ਲੱਡੂ ਵੰਡੇ, ਪਟਾਕੇ ਚਲਾ ਕੇ ਅਤੇ ਨੱਚ ਕੇ ਖੁਸ਼ੀ ਮਨਾਈ ਗਈ | ਇਸ ਮੌਕੇ ਉਨ੍ਹਾਂ ਨਾਲ ਸਾਬਕਾ ਸਰਪੰਚ ਮਾਧੋਪੁਰ ਉੱਪਰਲਾ ਗੁਰਨਾਮ ਸਿੰਘ, ਸਾਲੂ, ਬੱਬੂ, ਨੱਥਾ, ਲਵਲੀ, ਪਿੱਲੂ ਤੇ ਹੋਰ ਵੀ ਸਪੋਰਟਰ ਮਜੂਦ ਸੀ |