ਫ਼ਾਜ਼ਿਲਕਾ, 1 ਜੂਨ (ਦਵਿੰਦਰ ਪਾਲ ਸਿੰਘ)-'ਵਿਕਸਿਤ ਕਿ੍ਸ਼ੀ ਅਭਿਆਨ' ਦੇ ਤਹਿਤ ਕਿ੍ਸ਼ੀ ਵਿਗਿਆਨ ਕੇਂਦਰ ਫ਼ਾਜ਼ਿਲਕਾ ਅਤੇ ਭਾਰਤੀ ਕਿ੍ਸ਼ੀ ਅਨੁਸੰਧਾਨ ਪਰਿਸ਼ਦ ਦੀ ਸਾਂਝੀ ਟੀਮ ਵੱਲੋਂ ਜ਼ਿਲ੍ਹੇ ਦੇ ਵੱਖ-ਵੱਖ ਪਿੰਡਾਂ ਜਿਵੇਂ ਕਿ ਸੁਰੇਸ਼ ਵਾਲਾ, ਕੇਰੀਆਂ, ਬੰਦੀ ਵਾਲਾ, ਰਾਮਸਰਾ ਆਦਿ ਦਾ ਦੌਰਾ ਕਰਕੇ ਪਿੰਡਾਂ ਦੇ ਨੌਜਵਾਨਾਂ ਨੂੰ ਕਿ੍ਸ਼ੀ ਖੇਤਰ ਵਿਚ ਆਤਮਨਿਰਭਰ ਬਣਾਉਣ ਲਈ ਜਾਗਰੂਕਤਾ ਕਾਰਜ-ਕਰਮ ਆਯੋਜਿਤ ਕੀਤੇ ਗਏ | ਇਹ ਉਪਰਾਲਾ ਪਿੰਡ ਪੱਧਰ 'ਤੇ ਕਿ੍ਸ਼ੀ ਆਧਾਰਤ ਰੋਜ਼ਗਾਰ ਦੇ ਮੌਕੇ ਵਧਾਉਣ ਅਤੇ ਨੌਜਵਾਨਾਂ ਨੂੰ ਆਧੁਨਿਕ ਕਿ੍ਸ਼ੀ ਤਕਨੀਕਾਂ ਬਾਰੇ ਜਾਣੂ ਕਰਵਾਉਣ ਲਈ ਕੀਤਾ ਗਿਆ | ਕੇ ਵੀ ਕੇ ਫ਼ਾਜ਼ਿਲਕਾ ਦੇ ਸਮਨਵਯਕ ਨੇ ਦੱਸਿਆ ਕਿ ਇਹ ਮੁਹਿੰਮ ਵਿਕਸਿਤ ਭਾਰਤ ਦੇ ਦਰਸ਼ਨ ਅਨੁਸਾਰ ਹੈ, ਜਿਸ ਵਿਚ ਪਿੰਡਾਂ ਦੇ ਆਰਥਿਕ ਅਤੇ ਸਮਾਜਿਕ ਵਿਕਾਸ ਲਈ ਖੇਤੀ ਨੂੰ ਕੇਂਦਰ ਵਿਚ ਰੱਖਿਆ ਗਿਆ ਹੈ | ਉਨ੍ਹਾਂ ਕਿਹਾ ਕਿ ਨੌਜਵਾਨਾਂ ਵਿਚ ਕਿ੍ਸ਼ੀ ਪ੍ਰਤੀ ਵਧ ਰਹੀ ਦਿਲਚਸਪੀ ਸਹੀ ਦਿਸ਼ਾ ਅਤੇ ਸਿਖਲਾਈ ਦੇ ਨਾਲ ਉਨ੍ਹਾਂ ਨੂੰ ਸਵੈ-ਰੋਜ਼ਗਾਰ ਵੱਲ ਲੈ ਜਾ ਸਕਦੀ ਹੈ | ਆਈ ਸੀ ਏ ਆਰ ਦੀ ਟੀਮ ਨੇ ਭਾਗੀਦਾਰਾਂ ਨੂੰ ਵੱਖ-ਵੱਖ ਕੇਂਦਰੀ ਯੋਜਨਾਵਾਂ ਜਿਵੇਂ ਕਿ ਪੀ.ਐਮ-ਕੁਸੁਮ, ਪੀ.ਐਮ-ਐਫ.ਐਮ.ਈ ਅਤੇ ਆਤਮਾ ਯੋਜਨਾ ਬਾਰੇ ਜਾਣਕਾਰੀ ਦਿੱਤੀ, ਤਾਂ ਜੋ ਉਹ ਸਰਕਾਰੀ ਸਹਾਇਤਾ ਲੈ ਕੇ ਨਵੀਆਂ ਤਕਨੀਕਾਂ ਅਪਣਾ ਕੇ ਲਾਭ ਉਠਾ ਸਕਣ | ਕਾਰਜ-ਕਰਮ ਦਾ ਅੰਤ ਕਿਸਾਨਾਂ ਅਤੇ ਨੌਜਵਾਨਾਂ ਨਾਲ ਖੁੱਲ੍ਹੀ ਚਰਚਾ ਨਾਲ ਹੋਇਆ, ਜਿਸ ਵਿਚ ਉਨ੍ਹਾਂ ਨੇ ਆਪਣੀਆਂ ਸਮੱਸਿਆਵਾਂ ਸਾਂਝੀਆਂ ਕੀਤੀਆਂ ਅਤੇ ਵਿਸ਼ੇ ਦੇ ਵਿਗਿਆਨੀਆਂ ਤੋਂ ਹੱਲ ਪ੍ਰਾਪਤ ਕੀਤੇ | ਕੇ ਵੀ ਕੇ ਆਉਣ ਵਾਲੇ ਦਿਨਾਂ ਵਿਚ ਹੋਰ ਪਿੰਡਾਂ ਵਿਚ ਵੀ ਅਜੇਹੇ ਕਾਰਜ-ਕਰਮ ਕਰਨ ਦਾ ਸੰਕਲਪ ਲਿਆ ਹੈ |
