ਚੰਡੀਗੜ੍ਹ, 19 ਅਕਤੂਬਰ (ਮਾਰਕੰਡਾ)-ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਪ੍ਰੋ. ਮਾਰਕੋ ਵੈਨ ਲੀਉਵੇਨ ਨੇ ਪੀ. ਯੂ. ਦੀ ਉਪ ਕੁਲਪਤੀ ਪ੍ਰੋ. ਰੇਣੂ ਵਿਗ ਨਾਲ ਮੁਲਾਕਾਤ ਕੀਤੀ ਅਤੇ ਭਵਿੱਖ ਦੇ ਮੌਕਿਆਂ 'ਤੇ ਅੰਤਰਰਾਸ਼ਟਰੀ ਉੱਚ-ਊਰਜਾ ਭੌਤਿਕ ਵਿਗਿਆਨ ਪ੍ਰਯੋਗਾਂ ਵਿਚ ਭਾਰਤੀ ਸੰਸਥਾਵਾਂ ਦੀ ਵਧਦੀ ਭੂਮਿਕਾ ਬਾਰੇ ਚਰਚਾ ਕੀਤੀ ਗਈ | ਪ੍ਰੋ. ਵੈਨ ਲੀਉਵੇਨ ਨੇ ਕਿਹਾ ਕਿ ਅਤਿਅੰਤ ਸਥਿਤੀਆਂ ਵਿਚ ਮਜ਼ਬੂਤੀ ਨਾਲ ਪਰਸਪਰ ਪ੍ਰਭਾਵ ਪਾਉਣ ਵਾਲੇ ਪਦਾਰਥ ਦੇ ਗੁਣਾਂ ਬਾਰੇ ਚਾਨਣਾ ਪਾਇਆ | ਜੋ ਕਿ ਬ੍ਰਹਿਮੰਡ ਦੇ ਪਲਾਂ ਦੀ ਸਥਿਤੀ ਵਿਚ ਨਵੀਂ ਸਮਝ ਪ੍ਰਦਾਨ ਕਰਦੇ ਹਨ | ਇਸ ਦੌਰੇ ਦਾ ਤਾਲਮੇਲ ਭੌਤਿਕ ਵਿਗਿਆਨ ਵਿਭਾਗ ਪੀਯੂ ਦੇ ਪ੍ਰੋ. ਲੋਕੇਸ਼ ਕੁਮਾਰ ਦੁਆਰਾ ਕੀਤਾ ਗਿਆ ਸੀ, ਜਿਸ ਨੇ ਦੁਨੀਆ ਦੇ ਮੋਹਰੀ ਕਣ ਭੌਤਿਕ ਵਿਗਿਆਨ ਸਹਿਯੋਗਾਂ ਵਿੱਚੋਂ ਇਕ ਅਤੇ ਭਾਰਤੀ ਉੱਚ-ਊਰਜਾ ਭੌਤਿਕ ਵਿਗਿਆਨ ਭਾਈਚਾਰੇ ਵਿਚਕਾਰ ਇੱਕ ਮਹੱਤਵਪੂਰਨ ਅਕਾਦਮਿਕ ਸ਼ਮੂਲੀਅਤ ਨੂੰ ਦਰਸਾਇਆ | ਪ੍ਰੋ. ਵੈਨ ਲੀਯੂਵੇਨ ਨੇ ਪੀਯੂ ਦੇ ਭੌਤਿਕ ਵਿਗਿਆਨ ਵਿਭਾਗ ਦੇ ਚੇਅਰਪਰਸਨ ਪ੍ਰੋ. ਸੂਰਿਆ ਕਾਂਤ ਤਿ੍ਪਾਠੀ ਨਾਲ ਵੀ ਮੁਲਾਕਾਤ ਕੀਤੀ ਅਤੇ ਉੱਚ-ਊਰਜਾ ਪ੍ਰਮਾਣੂ ਭੌਤਿਕ ਵਿਗਿਆਨ ਵਿਚ ਸਹਿਯੋਗੀ ਖੋਜ ਨੂੰ ਮਜ਼ਬੂਤ ਕਰਨ ਬਾਰੇ ਵਿਚਾਰਾਂ ਦਾ ਆਦਾਨ-ਪ੍ਰਦਾਨ ਕੀਤਾ |
