ਡੇਰਾਬੱਸੀ, 23 ਨਵੰਬਰ (ਗੁਰਮੀਤ ਸਿੰਘ)-ਡੇਰਾਬੱਸੀ ਦੀ ਬਰਵਾਲਾ ਸੜਕ 'ਤੇ ਪੈਂਦੇ ਸੈਣੀ ਵਿਹਾਰ ਦੀ ਗ਼ਲੀ ਨੰ. 4 ਵਿਖੇ ਸਟਰੀਟ ਲਾਈਟ ਵਾਲਾ ਬਿਜਲੀ ਦਾ ਡਿੱਗਿਆ ਖੰਭਾ ਹਾਦਸੇ ਦਾ ਕਾਰਨ ਬਣ ਸਕਦਾ ਹੈ | ਇਸ ਮੌਕੇ ਲੋਕਾਂ ਨੇ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਇਸ ਸੰਬੰਧੀ ਨਗਰ ਕੌਂਸਲ ਦਫ਼ਤਰ ਵਿਖੇ ਕਈ ਵਾਰੀ ਸ਼ਿਕਾਇਤ ਕਰਨ ਦੇ ਬਾਵਜੂਦ ਕੋਈ ਧਿਆਨ ਨਹੀਂ ਦਿੱਤਾ ਜਾ ਰਿਹਾ, ਕਿਉਂਕਿ ਇਸ ਡਿੱਗੇ ਹੋਏ ਖੰਭੇ ਕਾਰਨ ਕਿਸੇ ਸਮੇਂ ਵੀ ਕੋਈ ਹਾਦਸਾ ਵਾਪਰ ਸਕਦਾ ਹੈ | ਗਲੀ ਵਾਸੀਆਂ ਨੇ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਇਹ ਖੰਭਾ ਕਾਫੀ ਸਮੇਂ ਤੋਂ ਡਿੱਗਿਆ ਪਿਆ ਹੈ ਅਤੇ ਇਸਦੇ 'ਤੇ ਲਾਈਟ ਵੀ ਲੱਗੀ ਹੋਈ ਹੈ ਜੋ ਸ਼ਾਮ ਹੁੰਦੇ ਹੀ ਚਾਲੂ ਹੋ ਜਾਂਦੀ ਹੈ, ਅਜਿਹੇ ਵਿਚ ਕਰੰਟ ਦਾ ਡਰ ਲਗਿਆ ਰਹਿੰਦਾ ਹੈ | ਇਸ ਦੌਰਾਨ ਲੋਕਾਂ ਨੇ ਕੌਂਸਲ ਅਧਿਕਾਰੀਆ ਨੂੰ ਜਲਦੀ ਹੀ ਇਹ ਬਿਜਲੀ ਦਾ ਖੰਭਾ ਠੀਕ ਕਰਨ ਮੰਗ ਕੀਤੀ ਹੈ |
