ਚੰਡੀਗੜ੍ਹ, 7 ਦਸੰਬਰ (ਮਾਰਕੰਡਾ)-ਸਰਕਾਰੀ ਮੈਡੀਕਲ ਕਾਲਜ ਤੇ ਹਸਪਤਾਲ ਸੈਕਟਰ 32 ਚੰਡੀਗੜ੍ਹ ਵਿਖੇ ਸਰੀਰ ਵਿਗਿਆਨ ਵਿਭਾਗ ਦੁਆਰਾ ਜਨਤਾ ਤੇ ਐਮ. ਬੀ. ਬੀ. ਐਸ. ਵਿਦਿਆਰਥੀਆਂ ਲਈ ਜਾਗਰੂਕਤਾ ਪੈਦਾ ਕਰਨ ਖ਼ਾਤਰ ਅੰਗ ਦਾਨ/ਸਰੀਰ ਦਾਨ ਸਿਰਲੇਖ ਅਧੀਨ ਪੋਸਟਰ ਮੇਕਿੰਗ ਮੁਕਾਬਲਾ ਕਰਵਾਏ ਗਏ | ਇਸ ਮੌਕੇ ਜੱਜ ਦੀ ਭੂਮਿਕਾ ਡਾਇਰੈਕਟਰ ਪਿ੍ੰਸੀਪਲ ਪ੍ਰੋ. ਜੀ. ਪੀ. ਥਾਮੀ ਜੀ. ਐਮ. ਸੀ. ਐਚ-32 ਤੇ ਸਰੀਰ ਵਿਗਿਆਨ ਵਿਭਾਗ ਦੇ ਫੈਕਲਟੀ ਮੈਂਬਰਾਂ ਨੇ ਕੀਤੀ | ਪ੍ਰੋਫੈਸਰ ਥਾਮੀ ਨੇ ਐਮ. ਬੀ. ਬੀ. ਐਸ. ਵਿਦਿਆਰਥੀਆਂ ਨੂੰ ਸਰੀਰ ਦਾਨ ਤੇ ਅੰਗ ਦਾਨ ਮੁਹਿੰਮ ਲਈ ਉਤਸ਼ਾਹਿਤ ਵੀ ਕੀਤਾ | ਪੋਸਟਰ ਮੇਕਿੰਗ ਮੁਕਾਬਲੇ ਦੇ ਜੇਤੂਆਂ 'ਚੋਂ ਪਹਿਲਾ ਇਨਾਮ ਸ੍ਰੀਯਸ਼ ਰੰਜਨ ਰਾਵਤ ਨੂੰ ਦਿੱਤਾ ਗਿਆ | ਦੂਜਾ ਇਨਾਮ ਅਕਾਂਕਸ਼ਾ ਭਿਵਾਲ ਤੇ ਤੀਜਾ ਇਨਾਮ ਅਤੁਲਿਆ ਨੂੰ ਦਿੱਤਾ ਗਿਆ, ਜਿਨ੍ਹਾਂ ਨੂੰ ਡਾਇਰੈਕਟਰ ਪਿ੍ੰਸੀਪਲ ਦੁਆਰਾ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ |
