ਮੋਰਿੰਡਾ, 21 ਸਤੰਬਰ (ਪਿ੍ਤਪਾਲ ਸਿੰਘ)-ਦੀ ਬਾਗਾਂਵਾਲਾ ਬਹੁਮੰਤਵੀ ਸਹਿਕਾਰੀ ਸਭਾ ਲਿਮਿਟਡ ਮੋਰਿੰਡਾ ਦਾ ਕੁਲਦੀਪ ਕੁਮਾਰ ਜੁਆਇੰਟ ਰਜਿਸਟਰ ਸਹਿਕਾਰੀ ਸਭਾਵਾਂ ਡਵੀਜ਼ਨ ਪਟਿਆਲਾ ਨੇ ਅਚਨਚੇਤ ਦੌਰਾ ਕੀਤਾ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਭਾ ਦੇ ਸਕੱਤਰ ਸਤੀਸ਼ ਕੁਮਾਰ ਡੋਰਾ ਨੇ ਦੱਸਿਆ ਕਿ ਜੁਆਇੰਟ ਰਜਿਸਟਰ ਸਹਿਕਾਰੀ ਸਭਾਵਾਂ ਡਵੀਜ਼ਨ ਪਟਿਆਲਾ ਨੇ ਸਭਾ ਦਾ ਰਿਕਾਰਡ ਦੇਖਿਆ ਅਤੇ ਸਭਾ ਦੇ ਪ੍ਰਧਾਨ ਮੰਤਰੀ ਜਨ ਅÏਸ਼ਧੀ ਕੇਂਦਰ ਨੂੰ ਦੇਖ ਕੇ ਬਹੁਤ ਜ਼ਿਆਦਾ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਸਭਾ ਦੇ ਪ੍ਰਧਾਨ ਪਰਮਿੰਦਰ ਸਿੰਘ ਕੰਗ ਸਮੇਤ ਸਮੂਹ ਡਾਇਰੈਕਟਰਾਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ | ਉਨ੍ਹਾਂ ਕਿਹਾ ਜੇਕਰ ਅਜਿਹੇ ਕਾਰਜ ਹਰੇਕ ਸਭਾ ਵਿਚ ਹੋਣ ਲੱਗ ਜਾਣ ਤਾਂ ਸਭਾਵਾਂ ਨਵੀਆਂ ਪੁਲਾਂਗਾ ਪੁੱਟ ਸਕਦੀਆਂ ਹਨ | ਇਸਤੋਂ ਪਹਿਲਾਂ ਦੀ ਬਾਗਾਂਵਾਲਾ ਬਹੁਮੰਤਵੀ ਸਹਿਕਾਰੀ ਸਭਾ ਲਿਮਿਟਡ ਮੋਰਿੰਡਾ ਦੇ ਪ੍ਰਧਾਨ ਦੀ ਅਗਵਾਈ ਵਿਚ ਜੁਆਇੰਟ ਰਜਿਸਟਰ ਸਹਿਕਾਰੀ ਸਭਾਵਾਂ ਡਵੀਜ਼ਨ ਪਟਿਆਲਾ ਦਾ ਭਰਵਾਂ ਸਵਾਗਤ ਕੀਤਾ ਗਿਆ ਅਤੇ ਸਭਾ ਦੇ ਸਕੱਤਰ ਸਤੀਸ਼ ਕੁਮਾਰ ਡੋਰਾ, ਇੰਸਪੈਕਟਰ ਸ਼ੈਫਕ, ਅਤੇ ਰਾਹੁਲ ਏ. ਆਰ. ਸਰਕਲ ਸ਼੍ਰੀ ਚਮਕੌਰ ਸਾਹਿਬ ਨੇ ਉਨ੍ਹਾਂ ਨੂੰ ਇੱਥੇ ਆਉਣ 'ਤੇ ਜੀ ਆਇਆਂ ਨੂੰ ਕਿਹਾ | ਇਸ ਮੌਕੇ ਸਭਾ ਦੇ ਡਾਇਰੈਕਟਰ ਜਰਨੈਲ ਸਿੰਘ ਮੰਡੇਰ, ਜਗਦੀਪ ਸਿੰਘ ਗੋਲਡੀ, ਰਾਜੇਸ਼ ਕੁਮਾਰ ਰਾਣਾ, ਸੁਖਦੇਵ ਸਿੰਘ ਮਾਵੀ ਮੀਤ ਪ੍ਰਧਾਨ, ਮੋਹਣ ਸਿੰਘ, ਹਰਜਿੰਦਰ ਸਿੰਘ ਛਿੱਬਰ ਅਤੇ ਕਸ਼ਮੀਰ ਸਿੰਘ ਆਦਿ ਹਾਜ਼ਰ ਸਨ |
