ਮਾਛੀਵਾੜਾ ਸਾਹਿਬ, 22 ਦਸੰਬਰ (ਰਾਜਦੀਪ ਸਿੰਘ ਅਲਬੇਲਾ)-ਇਲਾਕੇ ਵਿਚ 40 ਸਾਲਾਂ ਤੋਂ ਵੱਧ ਪੁਰਾਣੇ ਦੱਤ ਹਸਪਤਾਲ ਵਿਚ ਡਾਕਟਰਾਂ ਦੀ ਮਿਹਨਤ ਨਾਲ 7 ਮਹੀਨੇ ਦਾ ਬੱਚਾ ਜਿਸ ਦਾ ਵਜ਼ਨ 900 ਗ੍ਰਾਮ ਸੀ, ਦੀ ਜਾਨ ਬਚਾ ਲਈ ਗਈ ¢ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਡਾ. ਰਿਸ਼ਭ ਦੱਤ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਇਕ ਅਜਿਹਾ ਮਾਮਲਾ ਆਇਆ | ਜਿਸ ਵਿਚ 7ਵੇਂ ਮਹੀਨੇ ਵਿਚ ਇਕ ਔਰਤ ਦਾ ਜਣੇਪਾ ਹੋਇਆ, ਜਿਸ ਤੋਂ ਉਸ ਨੂੰ ਕੇਵਲ 900 ਗ੍ਰਾਮ ਦਾ ਬੱਚਾ ਪੈਦਾ ਹੋਇਆ¢ ਬੱਚੇ ਦੀ ਹਾਲਤ ਨਾਜ਼ੁਕ ਸੀ, ਜਿਸ ਨੂੰ ਹਸਪਤਾਲ ਵਿਚ ਨਵੇਂ ਖੋਲ੍ਹੇ ਗਏ 'ਨਿੱਕੂ' ਸੈਂਟਰ ਵਿਚ ਵੈਂਟੀਲੇਟਰ 'ਤੇ ਰੱਖ ਇਲਾਜ ਕੀਤਾ¢ ਡਾ. ਰਿਸ਼ਭ ਦੱਤ ਨੇ ਕਿਹਾ ਕਿ ਸਮੂਹ ਸਟਾਫ਼ ਤੇ ਨਵੀਂ ਤਕਨੀਕ ਵਾਲੀਆਂ ਮਸ਼ੀਨਾਂ ਰਾਹੀਂ ਉਸ ਦੀ ਜਾਨ ਬਚਾ ਲਈ ਗਈ, ਜਿਸ ਨਾਲ ਉਸ ਦੇ ਮਾਪੇ ਖ਼ੁਸ਼ ਨਜ਼ਰ ਆ ਰਹੇ ਹਨ ¢ ਉਨ੍ਹਾਂ ਦੱਸਿਆ ਕਿ ਮਾਛੀਵਾੜਾ ਇਲਾਕੇ ਵਿਚ ਇਹ ਪਹਿਲਾ ਨਿੱਕੂ ਸੈਂਟਰ ਖੋਲਿ੍ਹਆ ਗਿਆ ਹੈ, ਜਿਸ ਵਿਚ ਨਵਜੰਮੇ ਬੱਚਿਆਂ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ¢ ਇਸ ਮੌਕੇ ਦੱਤ ਹਸਪਤਾਲ ਦੇ ਮੁਖੀ ਡਾ. ਸੁਨੀਲ ਦੱਤ ਨੇ ਦੱਸਿਆ ਕਿ ਇਹ ਨਿੱਕੂ ਸੈਂਟਰ ਨਵਜੰਮੇ ਬੱਚਿਆਂ ਲਈ ਵਰਦਾਨ ਸਾਬਤ ਹੋ ਰਿਹਾ ਹੈ ¢ ਉਨ੍ਹਾਂ ਕਿਹਾ ਕਿ ਡਾ. ਰਿਸ਼ਭ ਦੱਤ ਫੋਰਟਿਸ ਹਸਪਤਾਲ, ਡੀ. ਐੱਮ. ਸੀ. ਹਸਪਤਾਲ ਵਿਚ ਸੇਵਾਵਾਂ ਦੇ ਚੁੱਕੇ ਹਨ¢
