ਹੋ ਜਾਣੀ ਅੱਜ ਬੱਲੇ-ਬੱਲੇ!
ਅਸੀਂਦੁਸਹਿਰਾਵੇਖਣ ਚੱਲੇ!
ਭਰਿਆ ਭਰਿਆ ਹੋਣਾ ਮੇਲਾ।
ਜੇਬਾਂ ਵਿਚ ਹੋਊ ਪੈਸਾ-ਧੇਲਾ।
ਖਾਵਾਂ-ਪੀਵਾਂਗੇ ਕੱਲੇ-ਕੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ!
ਰਾਵਣ ਹੁਰਾਂ ਦੇ ਬੁੱਤ ਹੋਣਗੇ।
ਹੰਕਾਰਾਂ ਦੇ ਵਿਚ ਧੁੱਤ ਹੋਣਗੇ।
ਅੱਗ ਲਾ ਸੁੱਟਣੇ ਥੱਲੇ-ਥੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ!
ਨੇਕੀ ਦੀ ਤਾਂ ਜਿੱਤ ਹੀ ਹੁੰਦੀ।
ਬਦੀ ਤਾਂ ਇਕ ਦਿਨ ਚਿੱਤ ਹੀ ਹੁੰਦੀ।
ਝੂਠ ਦੀ ਵਾਹ ਨਾ ਚੱਲੇ-ਚੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ!
ਚੀਜ਼ਾਂ ਦੇ ਨਾਲ ਭਰਿਆ ਮੇਲਾ
ਹੁੰਦਾ ਸਿਖਰੀਂ ਚੜ੍ਹਿਆ ਮੇਲਾ।
ਫਿਰਦੇ ਬੱਚੇ ਕੱਲ-ਮੁਕੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ!
ਨਾ ਤਾਂ ਠੰਢ ਨਾ ਗਰਮੀ ਹੁੰਦੀ।
ਮੌਸਮ ਦੇ ਵਿੱਚ ਨਰਮੀ ਹੁੰਦੀ।
ਮੇਲਾ ਸਾਰਾ ਦਿਨ ਹੀ ਚੱਲੇ -
ਅਸੀਂਦੁਸਹਿਰਾਵੇਖਣ ਚੱਲੇ !
ਤਰ੍ਹਾਂ ਤਰ੍ਹਾਂ ਦੇ ਰੂਪ ਵਟਾਈ।
ਰਾਮ ਲਖਣ ਕਈ ਬਣਦੇ ਭਾਈ।
ਜੈ ਸ੍ਰੀ ਰਾਮ ਦਾ ਨਾਅਰਾ ਚੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ !
ਬੱਚਿਆਂ ਦੇ ਲਈ ਗਦਾ-ਕਟਾਰਾਂ।
ਮੇਲੇ ਦੇ ਵਿਚ ਸ਼ੈਆਂ ਹਜ਼ਾਰਾਂ।
ਵਿਕਦੇ ਵੰਗਾ ਛਾਪਾਂ-ਛੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ !
ਸ਼ਾਮੀ ਬੁੱਤਾਂ ਫੁਕ ਜਾਣਾ ਹੈ।
ਅਸੀਂ ਵੀ ਵਾਪਸ ਘਰ ਆਣਾ ਹੈ।
ਸੁਬਹ ਸੀ ਘਰਦਿਆਂ ਘੱਲੇ-ਘੱਲੇ-
ਅਸੀਂਦੁਸਹਿਰਾਵੇਖਣ ਚੱਲੇ !
ਹੁਣ ਤਾਂ ਪਿੰਡ ਬਹੋਨੇ ਲੱਗਦਾ।
ਲੜੀਆਂ ਵਾਂਗਦੁਸਹਿਰਾਜਗਦਾ।
ਮੇਰੇ ਪਿੰਡ ਦੀ ਬੱਲੇ-ਬੱਲੇ
ਅਸੀਂਦੁਸਹਿਰਾਵੇਖਣ ਚੱਲੇ!
-ਓਮਕਾਰ ਸੂਦ ਬਹੋਨਾ
ਮੋਬਾਈਲ : 96540-36080
