ਬੱਦਲਾਂ ਦੀ ਪੌੜੀ ਚੜ੍ਹ ਜਾਵਾਂ
ਅੰਬਰਾਂ ਨੂੰ ਹੱਥ ਲਾ ਆਵਾਂ
ਕੁਝ ਤਾਰੇ ਤੋੜ ਕੇ ਲੈ ਆਵਾਂ
ਚੁੰਨੀ ਤੇਰੀ 'ਤੇ ਲਾ ਦੇਵਾਂ
ਕੁਝ ਤੇਰੇ ਵਾਲਾਂ 'ਤੇ ਸਜਾ ਦੇਵਾਂ।
ਬੱਦਲਾਂ ਦੀ ਪੌੜੀ ਚੜ੍ਹ ਜਾਵਾਂ
ਅੰਬਰਾਂ ਨੂੰ ਹੱਥ ਲਾ ਆਵਾਂ,
ਇਕ ਚੰਨ ਦਾ ਟੁਕੜਾ ਲੈ ਆਵਾਂ,
ਉਹਦਾ ਸ਼ੀਸ਼ਾ ਇਕ ਬਣਾ ਦੇਵਾਂ
ਸ਼ੀਸ਼ੇ 'ਚੋਂ ਦੇਖੇ ਮੁੱਖ ਆਪਣਾ
ਤੈਨੂੰ 'ਰਾਣੀ ਧੀ' ਬਣਾ ਦੇਵਾਂ
ਬੱਦਲਾਂ ਦੀ ਪੌੜੀ ਚੜ੍ਹ ਜਾਵਾਂ
ਅੰਬਰਾਂ ਨੂੰ ਹੱਥ ਲਾ ਆਵਾਂ।
ਸੂਰਜ ਤੋਂ ਕਿਰਨਾਂ ਲੈ ਆਵਾਂ
ਚੁੰਨੀ ਦਾ ਗੋਟਾ ਬਣਾ ਦੇਵਾਂ।
ਕੁਝ ਚਾਨਣ ਲੈ ਕੇ ਸੂਰਜ ਤੋਂ
ਦੁਨੀਆਂ ਤੇਰੀ ਰੁਸ਼ਨਾ ਦੇਵਾਂ
ਬੱਦਲਾਂ ਦੀ ਪੌੜੀ ਚੜ੍ਹ ਜਾਵਾਂ
ਅੰਬਰਾਂ ਨੂੰ ਹੱਥ ਲਾ ਆਵਾਂ।