ਮੁੰਬਈ, 5 ਦਸੰਬਰ (ਇੰਟ.)-ਧਰਮਿੰਦਰ ਤੇ ਅਮਿਤਾਭ ਬੱਚਨ ਦੀ ਫ਼ਿਲਮ 'ਸ਼ੋਅਲੇ: ਦ ਫਾਈਨਲ ਕੱਟ' ਦਾ ਟ੍ਰੇਲਰ ਰਿਲੀਜ਼ ਹੋ ਚੁੱਕਾ ਹੈ | ਇਹ ਫਿਲਮ 12 ਦਸੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਹੈ | ਇਹ ਫਿਲਮ ਡੌਲਬੀ 5.1 ਸਾਊਾਡ ਦੇ ਨਾਲ 4ਕੇ. ਰੈਜ਼ੋਲਿਊਸ਼ਨ 'ਚ ਦਿਖਾਈ ਜਾਵੇਗੀ ਤੇ ਦਰਸ਼ਕ ਇਸ ਨੂੰ ਲੈ ਕੇ ਉਤਸ਼ਾਹਿਤ ਹਨ | ਇਸ ਰੀ-ਰਿਲੀਜ਼ ਦੀ ਖਾਸ ਗੱਲ ਇਸਦਾ ਅਸਲੀ, ਬਿਨਾਂ ਕੱਟਿਆ ਹੋਇਆ ਕਲਾਈਮੈਕਸ ਹੈ, ਜਿਸਨੂੰ ਸੈਂਸਰ ਬੋਰਡ (ਸੀ.ਬੀ.ਐਫ.ਸੀ.) ਨੇ ਸ਼ੁਰੂ 'ਚ ਬਹੁਤ ਜ਼ਿਆਦਾ ਹਿੰਸਕ ਹੋਣ ਕਰਕੇ ਕੱਟਣ ਦਾ ਹੁਕਮ ਦਿੱਤਾ ਸੀ | ਉਸ ਕਲਾਈਮੈਕਸ 'ਚ, ਠਾਕੁਰ (ਸੰਜੇ ਕੁਮਾਰ) ਗੱਬਰ ਸਿੰਘ (ਅਮਜਦ ਖਾਨ) ਨੂੰ ਕੰਡਿਆਲੀਆਂ ਜੁੱਤੀਆਂ ਨਾਲ ਮਾਰਦਾ ਹੈ | ਇਸ ਪ੍ਰੋਜੈਕਟ ਨੇ ਪੁਰਾਣੇ ਨਕਾਰਾਤਮਕ, ਗੁਆਚੇ ਦਿ੍ਸ਼ਾਂ ਤੇ ਮਿਟਾਏ ਗਏ ਫੁਟੇਜ ਨੂੰ ਬਹਾਲ ਕੀਤਾ ਹੈ | ਸ਼ੋਅਲੇ ਦਾ ਇਹ ਨਵੀਨੀਕਰਨ ਕੀਤਾ ਗਿਆ ਸੰਸਕਰਣ ਪਹਿਲਾਂ ਇਟਲੀ ਦੇ 'ਇਲ ਸਿਨੇਮਾ ਰਿਤਰੋਵਾਟੋ ਫੈਸਟੀਵਲ' ਵਿਚ ਦੁਨੀਆ ਭਰ ਦੇ ਸਿਨੇਮਾਂ ਪ੍ਰੇਮੀਆਂ ਲਈ ਪ੍ਰਦਰਸ਼ਿਤ ਕੀਤਾ ਗਿਆ ਸੀ | ਇਸਨੂੰ ਬਾਅਦ ਵਿੱਚ ਸਿਡਨੀ ਦੇ ਭਾਰਤੀ ਫਿਲਮ ਫੈਸਟੀਵਲ 'ਚ ਇਕ ਮੁੱਖ ਆਕਰਸ਼ਣ ਵਜੋਂ ਪੇਸ਼ ਕੀਤਾ ਗਿਆ ਸੀ | ਹੁਣ 50 ਸਾਲਾਂ ਬਾਅਦ ਇਸ ਬਿਨਾਂ ਕੱਟੇ ਹੋਏ ਕਲਾਈਮੈਕਸ ਨੂੰ 12 ਦਸੰਬਰ ਨੂੰ ਰਲੀਜ਼ ਕੀਤਾ ਜਾਵੇਗਾ |
