ਦਿੱਲੀ ਯੂਨੀਵਰਸਿਟੀ ਦੇ ਪੰਜਾਬੀ ਵਿਭਾਗ ਨੇ ਮਾਰਕਸੀ ਚਿੰਤਕਾਂ ਬਾਰੇ ਖੋਜ ਪੱਤਰ ਪੇਸ਼ ਕੀਤੇ <br/>
ਅਜੀਤ ਡੈਸਕ
27-09-2025
ਪੋ੍ਰਗਰਾਮ ਦੀ ਸ਼ੁਰੂਆਤ ਵਿਚ ਖੋਜਾਰਥੀ ਮਨਪ੍ਰੀਤ ਕੌਰ ਨੇ ਕਾਰਲ ਮਾਰਕਸ ਉਪਰ ਆਪਣਾ ਖੋਜ-ਪੱਤਰ ਪੇਸ਼ ਕੀਤਾ | ਉਸ ਨੇ ਮਾਰਕਸਵਾਦੀ ਪਰਿਪੇਖ ਦੇ ਬੁਨਿਆਦੀ ਸੰਕਲਪਾਂ ਨੂੰ ਪੇਸ਼ ਕਰਦਿਆਂ ਵਿਚਾਰਧਾਰਾ ਅਤੇ ਇਤਿਹਾਸ ਦੀ ਮਾਰਕਸਵਾਦੀ ਸਮਝ ਦੇ ਪਸਾਰਾਂ ਉਪਰ ਬੜੇ ਸਰਲ ਢੰਗ ਨਾਲ ਚਾਨਣਾ ਪਾਇਆ | ਉਸ ਨੇ ਮਾਰਕਸ ਦੇ ਮੂਲ ਦਾਰਸ਼ਨਿਕ ਸਿਧਾਂਤਾਂ ਦੀ ਵੀ ਵਿਆਖਿਆ ਕੀਤੀ | ਦੂਜਾ ਖੋਜ-ਪੱਤਰ ਪਵਨਬੀਰ ਸਿੰਘ ਨੇ ਪੇਸ਼ ਕੀਤਾ, ਜਿਸ ਵਿਚ ਉਸ ਨੇ ਲੂਈ ਅਲਥੂਸਰ ਉਪਰ ਆਪਣੇ ਮੌਲਿਕ ਵਿਚਾਰ ਪੇਸ਼ ਕੀਤੇ | ਉਸ ਨੇ ਕਿਹਾ ਕਿ ਸੰਰਚਨਾਵਾਦ ਅਤੇ ਮਾਰਕਸਵਾਦ ਦੋ ਵਿਰੋਧੀ ਸਿਧਾਂਤਕ ਸੰਕਲਪ ਨਹੀਂ, ਜਿਵੇਂ ਕਿ ਇਨ੍ਹਾਂ ਨੂੰ ਸਮਝਿਆ ਜਾਂਦਾ ਹੈ ਸਗੋਂ ਇਹ ਇਕ ਦੂਜੇ ਨਾਲ ਪਰਸਪਰ ਸੰਬੰਧਿਤ ਹਨ | ਉਸ ਨੇ ਮਾਰਕਸ ਬਾਰੇ ਸਾਡੀ ਸਰਲੀਕ੍ਰਿਤ ਸਮਝ ਬਾਰੇ ਵੀ ਗੰਭੀਰ ਟਿੱਪਣੀਆਂ ਕੀਤੀਆਂ |
ਤੀਜਾ ਤੇ ਆਖ਼ਰੀ ਖੋਜ-ਪੱਤਰ ਹਰਕਮਲਪ੍ਰੀਤ ਸਿੰਘ ਨੇ ਪੇਸ਼ ਕੀਤਾ ਜੋ ਕਿ ਸਮਕਾਲੀ ਮਾਰਕਸੀ ਚਿੰਤਕ ਟੈਰੀ ਈਗਲਟਨ 'ਤੇ ਆਧਾਰਿਤ ਸੀ | ਬਾਅਦ ਵਿਚ ਖੋਜਾਰਥੀ ਸੰਦੀਪ ਸ਼ਰਮਾ ਨੇ ਇਨ੍ਹਾਂ ਤਿੰਨਾਂ ਪੇਪਰਾਂ ਬਾਰੇ ਸਾਂਝੀ ਟਿੱਪਣੀ ਕੀਤੀ | ਪੋ੍ਰ. ਬਲਜਿੰਦਰ ਨਸਰਾਲੀ ਨੇ ਰਸਮੀਂ ਧੰਨਵਾਦ ਕੀਤਾ | ਸਮਾਗਮ ਵਿਚ ਪੋ੍ਰ. ਰਵੀ ਰਵਿੰਦਰ, ਡਾ. ਰਜਨੀ ਬਾਲਾ, ਡਾ. ਨਛੱਤਰ ਸਿੰਘ, ਡਾ. ਰੰਜੂ ਬਾਲਾ, ਡਾ. ਹਰਮੀਤ ਕੌਰ ਤੇ ਵੱਡੀ ਗਿਣਤੀ ਵਿਚ ਵਿਦਿਆਰਥੀਆਂ ਨੇ ਸ਼ਿਰਕਤ ਕੀਤੀ |
