ਜਲੰਧਰ

ਮਾਂ ਦੁਰਗਾ ਦੇ ਨਰਾਤਿਆਂ ਦੀ ਆਰੰਭਤਾ ਮੌਕੇ ਸ਼ਾਹਕੋਟ ਦੇ ਮੰਦਰਾਂ 'ਚ ਲੱਗੀਆਂ ਰੌਣਕਾਂ <br/>

ਭੱਦਰ ਕਾਲੀ ਮੰਦਿਰ ਗਾਂਧੀ ਚੌਕ ਸ਼ਾਹਕੋਟ ਵਿਖੇ ਨਰਾਤਿਆਂ ਦੀ ਆਰੰਭਤਾ ਮੌਕੇ ਸੰਕੀਰਤਨ ਕਰਦੀ ਊਸ਼ਾ ਮਾਤਾ ਮੰਦਰ ਦੀ ਭਜਨ ਮੰਡਲੀ | ਤਸਵੀਰ- ਸੁਖਦੀਪ ਸਿੰਘ <br/> 23-09-2025

ਸ਼ਾਹਕੋਟ, 22 ਸਤੰਬਰ (ਸੁਖਦੀਪ ਸਿੰਘ)-ਮਾਂ ਦੁਰਗਾ ਦੇ ਨਰਾਤਿਆਂ ਦੀ ਆਰੰਭਤਾ ਮੌਕੇ ਅੱਜ ਸ਼ਾਹਕੋਟ ਦੇ ਮੰਦਿਰਾਂ 'ਚ ਖੂਬ ਰੌਣਕਾਂ ਵੇਖਣ ਨੂੰ ਮਿਲੀਆਂ, ਜਿੱਥੇ ਕਿ ਵੱਡੀ ਗਿਣਤੀ 'ਚ ਸ਼ਰਧਾਲੂ ਸ਼ਰਧਾ ਤੇ ਉਤਸ਼ਾਹ ਨਾਲ ਨਤਮਸਤਕ ਹੋਏ | ਇਸ ਮੌਕੇ ਸ਼ਰਧਾਲੂਆਂ ਨੇ ਨਰਾਤਿਆਂ ਦੇ ਵਰਤ ਵੀ ਰੱਖੇ | ਨਰਾਤਿਆਂ ਸੰਬੰਧੀ ਸ਼ਰਧਾਲੂਆਂ ਵਲੋਂ ਲੋੜੀਂਦੇ ਸਮਾਨ ਦੀ ਖੂਬ ਖ਼ਰੀਦਦਾਰੀ ਵੀ ਕੀਤੀ ਜਾ ਰਹੀ ਹੈ | ਵੱਖ-ਵੱਖ ਮੰਦਿਰਾਂ 'ਚ ਮਾਤਾ ਰਾਣੀ ਦੀ ਪੂਜਾ ਕੀਤੀ ਗਈ | ਭੱਦਰ ਕਾਲੀ ਮੰਦਿਰ ਗਾਂਧੀ ਚੌਂਕ ਸ਼ਾਹਕੋਟ ਵਿਖੇ ਸਮਾਗਮਾਂ ਦੀ ਆਰੰਭਤਾ ਹੋਈ, ਜਿਸ ਦੌਰਾਨ ਮੰਦਿਰ ਨੂੰ ਸੁੰਦਰ ਫੁੱਲਾਂ ਤੇ ਰੌਸ਼ਨੀਆਂ ਨਾਲ ਸਜਾਇਆ ਗਿਆ | ਪਹਿਲੇ ਦਿਨ ਊਸ਼ਾ ਮਾਤਾ ਮੰਦਿਰ ਦੀ ਭਜਨ ਮੰਡਲੀ ਵਲੋਂ ਸੰਕੀਰਤਨ ਕੀਤਾ ਗਿਆ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਇਹ ਸਮਾਗਮ 30 ਸਤੰਬਰ ਤੱਕ ਚੱਲਣਗੇ, ਜਿਸ ਦੌਰਾਨ ਰੋਜ਼ਾਨਾ ਵੱਖ-ਵੱਖ ਭਜਨ ਮੰਡਲੀਆਂ ਵਲੋਂ ਰਾਤ 8 ਵਜੇ ਤੋਂ 10 ਵਜੇ ਤੱਕ ਸੰਕੀਰਤਨ ਕੀਤਾ ਜਾਵੇਗਾ | ਸਮਾਗਮਾਂ ਦੀ ਸਮਾਪਤੀ ਮੌਕੇ ਕੰਜਕ ਪੂਜਨ ਵੀ ਹੋਵੇਗਾ |

ਪਿਛਲੀ ਖ਼ਬਰ ਕਿਸ਼ਨਗੜ੍ਹ ਪੁਲਿਸ ਚੌਂਕੀ ਦੇ ਮੁਲਾਜ਼ਮ ਤਾਂ ਸੁੱਤੇ ਹੀ ਹਨ ਕੁੰਭਕਰਨੀ ਨੀਂਦ ਲੇਕਿਨ ਪਹਿਰਾ ਲੱਗਣ ਦੇ ਬਾਵਜੂਦ ਵੀ ਹੋ ਗਈ... ਅਗਲੀ ਖ਼ਬਰ ਦ ਗੁਰੂਕੁਲ ਸਕੂਲ 'ਚ ਮਹਾਰਾਜਾ ਅਗਰਸੇਨ ਜੈਅੰਤੀ ਮਨਾਈ <br/>

ਮਾਂ ਦੁਰਗਾ ਦੇ ਨਰਾਤਿਆਂ ਦੀ ਆਰੰਭਤਾ ਮੌਕੇ ਸ਼ਾਹਕੋਟ ਦੇ ਮੰਦਰਾਂ 'ਚ ਲੱਗੀਆਂ ਰੌਣਕਾਂ <br/>

ਸੰਬੰਧਿਤ ਖ਼ਬਰਾਂ