ਭੋਗਪੁਰ, 7 ਦਸੰਬਰ (ਡੱਲੀ)-ਜ਼ਿਲ੍ਹਾ ਪ੍ਰੀਸ਼ਦ ਦੇ ਜ਼ੋਨ ਚੌਲਾਂਗ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਐਡਵੋਕੇਟ ਅਮਰੀਕ ਸਿੰਘ ਸੈਣੀ ਨੂੰ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ ਤੇ ਉਹ ਵੱਡੇ ਅੰਤਰ ਨਾਲ ਜਿੱਤ ਪ੍ਰਾਪਤ ਕਰਨਗੇ | ਇਹ ਪ੍ਰਗਟਾਵਾ ਉਨ੍ਹਾਂ ਦੇ ਹੱਕ 'ਚ ਚੋਣ ਪ੍ਰਚਾਰ ਕਰਦਿਆਂ ਪਲਵਿੰਦਰ ਸਿੰਘ ਸਰਪੰਚ ਗੀਗਨਵਾਲ, ਅਵਤਾਰ ਸਿੰਘ ਸਰਪੰਚ ਜੰਡੀਰ, ਬਲਵੀਰ ਸਿੰਘ ਸਰਪੰਚ ਟਾਂਡੀ, ਅਮਰਜੀਤ ਸਿੰਘ ਸੈਣੀ ਸਰਪੰਚ ਲੜੋਆ, ਬਲਕਾਰ ਸਿੰਘ ਪ੍ਰਧਾਨ ਸੁਸਾਇਟੀ ਭਟਨੂਰਾ ਲੁਬਾਣਾ, ਹਰੀ ਪ੍ਰਤਾਪ ਸਿੰਘ ਸਾਬਕਾ ਸਰਪੰਚ ਤੇ ਬਲਾਕ ਸੰਮਤੀ ਮੈਂਬਰ ਭਟਨੂਰਾ ਲੁਬਾਣਾ ਨੇ ਕਿਹਾ ਕਿ ਪੜ੍ਹੇ ਲਿਖੇ, ਸੂਝਵਾਨ ਤੇ ਲੋਕਪੱਖੀ ਸੋਚ ਦੇ ਧਾਰਨੀ ਐਡਵੋਕੇਟ ਅਮਰੀਕ ਸਿੰਘ ਸੈਣੀ ਹਮੇਸ਼ਾ ਸਮਾਜ ਸੇਵੀ, ਧਾਰਮਿਕ ਤੇ ਸਮਾਜਿਕ ਕਾਰਜਾਂ 'ਚ ਮੋਹਰੀ ਭੂਮਿਕਾ ਨਿਭਾਉਦੇ ਹਨ | ਆਗੂਆਂ ਨੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ, ਬਲਕਾਰ ਸਿੰਘ ਵਿਧਾਇਕ ਕਰਤਾਰਪੁਰ, ਪਵਨ ਟੀਨੂੰ ਆਦਮਪੁਰ ਦੀ ਰਹਿਨੁਮਾਈ ਹੇਠ ਐਡਵੋਕੇਟ ਸੈਣੀ ਇਲਾਕੇ ਲਈ ਵਿਕਾਸ ਯੋਜਨਾਵਾਂ ਨੂੰ ਲਾਗੂ ਕਰਵਾਉਣਗੇ | ਇਸ ਮੌਕੇ ਦੀਦਾਰ ਸਿੰਘ ਬਡਵਾਲ, ਹਰਮਿੰਦਰ ਸਿੰਘ ਭੇਲਾ, ਸਤਨਾਮ ਸਿੰਘ ਟਾਂਡੀ, ਜਸਵੀਰ ਸਿੰਘ ਟਾਂਡੀ, ਮਨਜੀਤ ਸਿੰਘ ਪਾਬਲਾ ਆਦਿ ਵੀ ਹਾਜ਼ਰ ਸਨ |
