ਕਪੂਰਥਲਾ, 19 ਅਕਤੂਬਰ (ਵਿ.ਪ੍ਰ.)-ਬਾਵਾ ਲਾਲਵਾਨੀ ਪਬਲਿਕ ਸਕੂਲ ਕਪੂਰਥਲਾ ਦੇ ਨਰਸਰੀ ਤੇ ਕਿੰਡਰ ਗਾਰਟਨ ਦੇ ਵਿਦਿਆਰਥੀਆਂ ਦਾ ਹਿੰਦੀ ਕਵਿਤਾ ਵਾਚਣ ਮੁਕਾਬਲਾ ਕਰਵਾਇਆ ਗਿਆ | ਜਿਸ ਵਿਚ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ | ਇਸ ਮੁਕਾਬਲੇ ਵਿਚ ਤਨੀਰਾ ਕੌਰ, ਮਹਿਰੀਨ ਕੌਰ ਤੇ ਆਈਜ਼ਾ ਕੱਲਣ ਨੇ ਪਹਿਲਾ, ਲਾਵਣਿਆ, ਪਿ੍ਯਾਂਸ਼ੀ, ਅਸਲੇਸ਼ਾ ਬੱਬਰ ਨੇ ਦੂਜਾ, ਯਾਸ਼ਿਕਾ, ਮਨਸੀਰਤ ਕੌਰ ਬੱਧਾਨ ਤੇ ਨਾਈਰਾ ਨੇ ਤੀਜਾ ਸਥਾਨ ਲਿਆ | ਸਕੂਲ ਦੀ ਪਿ੍ੰਸੀਪਲ ਏਕਤਾ ਧਵਨ ਨੇ ਇਸ ਮੁਕਾਬਲੇ ਵਿਚ ਵੱਖ-ਵੱਖ ਸਥਾਨ ਹਾਸਲ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ਤੇ ਕਿਹਾ ਕਿ ਇਸ ਮੁਕਾਬਲੇ ਵਿਚ ਵਿਦਿਆਰਥੀਆਂ ਨੇ ਕਲਾ, ਭਾਸ਼ਾ ਪ੍ਰਤੀ ਰੁਚੀ ਤੇ ਸਵੈ ਅਭਿਆਸ ਨੂੰ ਨੂੰ ਉਤਸ਼ਾਹਿਤ ਕੀਤਾ ਹੈ | ਮੁਕਾਬਲੇ ਦੌਰਾਨ ਵਿਦਿਆਰਥੀਆਂ ਨੇ ਹਿੰਦੀ ਕਵਿਤਾ ਵੀ ਪੇਸ਼ ਕੀਤੀ |
