ਈਰਾਨ ਵਲੋਂ ਸ਼ੁੱਕਰਵਾਰ ਨੂੰ ਵੀ ਇਜ਼ਰਾਈਲ ਅਤੇ ਖਾੜੀ ਦੇਸ਼ਾਂ 'ਤੇ ਲਗਾਤਾਰ ਮਿਜ਼ਾਈਲਾਂ ਦਾਗੀਆ ਗਈਆਂ, ਜਿਸ ਨਾਲ ਕੁਵੈਤ 'ਚ ਇਕ ਤੇਲ ਰਿਫਾਇਨਰੀ ਨੂੰ ਅੱਗ ਲੱਗ ਗਈ | ਈਰਾਨੀ ਡਰੋਨਾਂ ਨੇ ਕੁਵੈਤ ਦੀ 'ਮੀਨਾ ਅਲ-ਅਹਿਮਦੀ' ਤੇਲ ਰਿਫਾਇਨਰੀ 'ਤੇ ਹਮਲਾ ਕੀਤਾ, ਜਿਸ ਨਾਲ ਉਥੇ ਭਿਆਨਕ ਅੱਗ ਲੱਗ ਗਈ | ਸਰਕਾਰੀ ਕੁਵੈਤ ਪੈਟਰੋਲੀਅਮ ਕਾਰਪੋਰੇਸ਼ਨ ਨੇ ਦੱਸਿਆ ਕਿ ਜੰਗ ਸ਼ੁਰੂ ਹੋਣ ਤੋਂ ਬਾਅਦ ਇਹ ਤੀਜਾ ਹਮਲਾ ਹੈ | ਇਸ ਤੋਂ ਇਲਾਵਾ ਈਰਾਨ ਵਲੋਂ ਕੁਵੈਤ ਦੇ 'ਡੀਸੈਲੀਨੇਸ਼ਨ ਪਲਾਂਟ' (ਸਾਫ ਪੀਣ ਵਾਲਾ ਪੀਣੀ ਸੋਧਣ ਵਾਲਾ ਪਲਾਂਟ) ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ | ਦੂਜੇ ਪਾਸੇ, ਅਮਰੀਕਾ ਅਤੇ ਇਜ਼ਰਾਈਲ ਵਲੋਂ ਤਹਿਰਾਨ ਅਤੇ ਮੱਧ ਈਰਾਨੀ ਸ਼ਹਿਰ ਇਸਫਾਹਾਨ ਦੇ ਆਲੇ-ਦੁਆਲੇ ਹਵਾਈ ਹਮਲੇ ਕਰਨ ਦੀ ਖ਼ਬਰ ਹੈ |
