ਅਮਰੀਕਾ ਤੇ ਈਰਾਨ ਦਰਮਿਆਨ ਅਹਿਮ ਨੁਕਤਿਆਂ 'ਤੇ ਸਹਿਮਤੀ

ਸਾਨ ਫਰਾਂਸਿਸਕੋ, (ਐਸ ਅਸ਼ੋਕ ਭÏਰਾ)-ਅਮਰੀਕਾ ਅਤੇ ਈਰਾਨ ਵਿਚਕਾਰ ਪਿਛਲੇ ਵਿਵਾਦ ਦੇ ਲਗਭਗ ਸਾਰੇ ਅਹਿਮ ਨੁਕਤਿਆਂ 'ਤੇ ਸਹਿਮਤੀ ਬਣ ਗਈ ਹੈ | ਇਸ ਦਾ ਐਲਾਨ ਕਰਦੇ ਹੋਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਕਿ ਅਸੀਂ ਦੋ ਹਫਤਿਆਂ ਲਈ ਈਰਾਨ 'ਤੇ ਹਮਲੇ ਰੋਕ ਰਹੇ ਹਾਂ ਪਰ ਨਾਲ ਹੀ ਇਹ ਵੀ ਕਿਹਾ ਕਿ ਇਹ ਦੋ ਹਫ਼ਤਿਆਂ ਦੀ ਜੰਗਬੰਦੀ ਦੀ ਮਿਆਦ ਸਮਝੌਤੇ ਨੂੰ ਅੰਤਿਮ ਰੂਪ ਦੇਣ ਅਤੇ ਪੂਰਾ ਕਰਨ 'ਤੇ ਨਿਰਭਰ ਹੋਵੇਗੀ | ਜ਼ਿਕਰਯੋਗ ਹੈ ਕਿ ਈਰਾਨ ਦੀ ਸੱਭਿਅਤਾ ਦੀ ਮੁਕੰਮਲ ਤਬਾਹੀ ਵਾਲੇ ਬਿਆਨ ਪਿੱਛੋਂ ਦੁਨੀਆਂ ਭਰ ਦੇ ਅਮਨਪਸੰਦ ਲੋਕਾਂ ਦੀਆਂ ਚਿੰਤਾਵਾਂ ਵਧ ਰਹੀਆਂ ਸਨ | ਹਾਲਾਂਕਿ ਡਰ ਸੀ ਕਿ ਅਮਰੀਕਾ ਜਾਂ ਇਜ਼ਰਾਈਲ ਈਰਾਨ ਵਿਰੁੱਧ ਪ੍ਰਮਾਣੂ ਹਥਿਆਰਾਂ ਦੀ ਵਰਤੋਂ ਕਰ ਸਕਦੇ ਹਨ ਪਰ ਅੰਤਰਰਾਸ਼ਟਰੀ ਨੇਤਾ ਆਸਵੰਦ ਸਨ ਕਿ ਅਮਰੀਕਾ ਅਤੇ ਈਰਾਨ ਰਾਤ 8 ਵਜੇ ਦੀ ਸਮਾਂ ਸੀਮਾ ਤੋਂ ਪਹਿਲਾਂ 11ਵੇਂ ਘੰਟੇ ਤੱਕ ਸਮਝੌਤੇ 'ਤੇ ਪਹੁੰਚ ਜਾਣਗੇ | ਵਾਈਟ ਹਾਊਸ ਦੀ ਪ੍ਰੈਸ ਸਕੱਤਰ ਕੈਰੋਲੀਨ ਲੀਵਿਟ ਨੇ ਇਕ ਬਿਆਨ ਵਿਚ ਕਿਹਾ ਕਿ ਅਮਰੀਕਾ ਅਤੇ ਈਰਾਨ ਨੇ ਗੱਲਬਾਤ ਲਈ ਵਿਅਕਤੀਗਤ ਤੌਰ 'ਤੇ ਗੱਲਬਾਤ ਕੀਤੀ ਹੈ ਤੇ ਰਾਸ਼ਟਰਪਤੀ ਟਰੰਪ ਦੇ ਸ਼ਬਦ ਆਪਣੇ ਆਪ ਬੋਲਦੇ ਹਨ ਕਿ ਇਹ ਗੱਲਬਾਤ ਲਈ ਇਕ ਕਾਰਜਸ਼ੀਲ ਆਧਾਰ ਹੈ ਤੇ ਇਹ ਜਾਰੀ ਰਹੇਗੀ | ਸੱਚਾਈ ਇਹ ਹੈ ਕਿ ਰਾਸ਼ਟਰਪਤੀ ਟਰੰਪ ਅਤੇ ਸਾਡੀ ਸ਼ਕਤੀਸ਼ਾਲੀ ਫ਼ੌਜ ਨੇ ਈਰਾਨ ਨੂੰ ਹੋਰਮੁਜ਼ ਜਲਡਮਰੂ ਨੂੰ ਦੁਬਾਰਾ ਖੋਲ੍ਹਣ ਲਈ ਸਹਿਮਤ ਹੋਣ ਲਈ ਮਜਬੂਰ ਕੀਤਾ | ਨਾਲ ਹੀ ਇਹ ਵੀ ਕਿਹਾ ਕਿ ਪਰ ਰਾਸ਼ਟਰਪਤੀ ਜਾਂ ਵਾਈਟ ਹਾਊਸ ਦੁਆਰਾ ਐਲਾਨ ਕੀਤੇ ਜਾਣ ਤੱਕ ਕੁਝ ਵੀ ਅੰਤਿਮ ਨਹੀਂ ਹੈ |