ਰਾਹੁਲ ਗਾਂਧੀ ਨੇ ਆਪਣੇ ਭਾਸ਼ਨ ਦੇ ਅੰਤ 'ਚ ਇਕ ਬੁਝਾਰਤ ਵੀ ਸਦਨ 'ਚ ਰੱਖੀ | ਉਨ੍ਹਾਂ ਕਿਹਾ ਕਿ ਉਹ ਵੀਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਭਾਸ਼ਨ ਧਿਆਨ ਨਾਲ ਸੁਣ ਰਹੇ ਸਨ | ਜਿਸ 'ਚ ਉਹ ਬਹਤ ਥੱਕੇ ਹੋਏ, ਊਰਜਾਹੀਣ ਲੱਗ ਰਹੇ ਹਨ | ਫਿਰ ਉਨ੍ਹਾਂ ਨੂੰ ਧਿਆਨ ਆਇਆ ਕਿ 16 ਅਪ੍ਰੈਲ ਹੈ ਫਿਰ ਉਨ੍ਹਾਂ 16 ਦਾ ਨੰਬਰ ਸਦਨ 'ਚ ਵਿਖਾਇਆ | ਉਨ੍ਹਾਂ ਮੁੜ ਦੁਹਰਾਉਂਦਿਆਂ ਕਿਹਾ ਕਿ ਪ੍ਰਧਾਨ ਮੰਤਰੀ ਵਲੋਂ ਲਿਆਂਦਾ ਬਿੱਲ ਘਬਰਾਹਟ 'ਚ ਚੁੱਕਿਆ ਪ੍ਰਤੀਕਰਮ ਹੈ | ਉਨ੍ਹਾਂ ਕਿਹਾ ਕਿ ਇਹ 16 ਦਾ ਨੰਬਰ ਹੀ ਇਨ੍ਹਾਂ ਦਾ ਜਵਾਬ ਹੈ | ਸਭ ਕੁਝ ਨੰਬਰ 16 ਹੀ ਹੈ | ਰਾਹੁਲ ਗਾਂਧੀ ਨੇ ਸਪੱਸ਼ਟ ਤੌਰ 'ਤੇ 16 ਨੰਬਰ ਦੀ ਬੁਝਾਰਤ ਦਾ ਕੋਈ ਜਵਾਬ ਨਹੀਂ ਦਿੱਤਾ | ਹਾਲਾਂਕਿ ਕੁਝ ਨੇਤਾਵਾਂ ਨੇ ਆਪਣੇ ਵਲੋਂ ਲਿਆਂਦੇ ਕਿਆਸਾਂ ਦੇ ਆਧਾਰ 'ਤੇ ਇਹ ਮੁੱਦਾ ਅੰਤਰਰਾਸ਼ਟਰੀ ਸਕੈਂਡਲ ਐਪਸਟੀਨ ਫਾਈਲ ਨਾਲ ਜੁੜਿਆ ਹੈ |
