ਕੋਲਕਾਤਾ, 4 ਮਈ (ਏਜੰਸੀ)-ਇਕ ਨਾਟਕੀ ਅਤੇ ਬੇਹੱਦ ਅਹਿਮ ਮੁਕਾਬਲੇ 'ਚ, ਜੋ ਪੰਜ ਸਾਲ ਪਹਿਲਾਂ ਦੇ ਨੰਦੀਗ੍ਰਾਮ ਦੇ ਰਾਜਨੀਤਕ ਘਟਨਾਕ੍ਰਮ ਵਰਗਾ ਹੀ ਸੀ, ਭਾਜਪਾ ਦੇ ਸੁਭੇਂਦੂ ਅਧਿਕਾਰੀ ਨੇ ਸੋਮਵਾਰ ਨੂੰ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ ਉਨ੍ਹਾਂ ਦੇ ਗੜ੍ਹ ਭਵਾਨੀਪੁਰ 'ਚ ਹਰਾ ਦਿੱਤਾ | ਸੂਬਾ ਭਰ 'ਚ ਭਗਵਾਂ ਲਹਿਰ ਦਰਮਿਆਨ ਤਿ੍ਣਮੂਲ ਕਾਂਗਰਸ ਲਈ ਇਹ ਇਕ ਵੱਡਾ ਝਟਕਾ ਹੈ | ਚੋਣ ਕਮਿਸ਼ਨ ਦੀ ਵੈਬਸਾਈਟ 'ਤੇ ਉਪਲਬਧ ਅੰਕੜਿਆਂ ਅਨੁਸਾਰ ਅਧਿਕਾਰੀ ਨੇ 15,105 ਵੋਟਾਂ ਦੇ ਅੰਤਰ ਨਾਲ ਜਿੱਤ ਦਰਜ ਕੀਤੀ | ਵੋਟਾਂ ਦੀ ਗਿਣਤੀ ਦੇ ਸ਼ੁਰੂਆਤੀ ਦੌਰ 'ਚ ਮਮਤਾ ਅੱਗੇ ਚੱਲ ਰਹੀ ਸੀ | ਵਿਧਾਨ ਸਭਾ 'ਚ ਵਿਰੋਧੀ ਧਿਰ ਦੇ ਨੇਤਾ ਅਧਿਕਾਰੀ ਨੂੰ 73,917 ਵੋਟਾਂ ਮਿਲੀਆਂ, ਉਥੇ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ 58,812 ਵੋਟਾਂ ਮਿਲੀਆਂ |
