ਨਵੀਂ ਦਿੱਲੀ, 7 ਜੂਨ (ਏਜੰਸੀ)-ਕਾਂਗਰਸ ਨੇ ਘਰੇਲੂ ਐਲ.ਪੀ.ਜੀ. ਦੀਆਂ ਕੀਮਤਾਂ 'ਚ ਵਾਧੇ ਨੂੰ ਲੈ ਕੇ ਮੋਦੀ ਸਰਕਾਰ 'ਤੇ ਤਿੱਖਾ ਹਮਲਾ ਕਰਦਿਆਂ ਪੁੱਛਿਆ ਕਿ ਜਦੋਂ ਭਾਜਪਾ ਆਗੂ ਯੂ.ਪੀ.ਏ. ਯੁੱਗ ਦÏਰਾਨ ਮਹਿੰਗਾਈ ਬਾਰੇ ਰÏਲਾ ਪਾਉਂਦੇ ਸਨ, ਹੁਣ ਉਹ ਸਿਲੰਡਰਾਂ ਨਾਲ ਸੜਕਾਂ 'ਤੇ ਕਿਉਂ ਨਹੀਂ ਉਤਰ ਰਹੇ | ਕਾਂਗਰਸ ਪ੍ਰਧਾਨ ਮਲਿਕਅਰਜੁਨ ਖੜਗੇ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪੱਛਮੀ ਏਸ਼ੀਆ ਸੰਘਰਸ਼ ਦੇ ਜਵਾਬ 'ਚ 41 ਦੇਸ਼ਾਂ 'ਚ ਬਾਲਣ ਸਰੋਤਾਂ ਨੂੰ ਵੱਖ-ਵੱਖ ਕਰਨ ਬਾਰੇ ਸੰਸਦ 'ਚ ਵੱਡੇ ਦਾਅਵੇ ਕੀਤੇ ਸਨ ਅਤੇ ਪੁੱਛਿਆ ਸੀ ਕਿ ਉਨ੍ਹਾਂ ਦਾਅਵਿਆਂ ਦਾ ਕੀ ਬਣਿਆ | ਉਨ੍ਹਾਂ ਪੁੱਛਿਆ ਕਿ ਅੱਜ ਵੀ ਪੇਂਡੂ ਖੇਤਰਾਂ 'ਚ ਐਲ.ਪੀ.ਜੀ. ਦੀ ਘਾਟ ਕਿਉਂ ਬਣੀ ਹੋਈ ਹੈ | ਐਕਸ 'ਤੇ ਹਿੰਦੀ 'ਚ ਇਕ ਪੋਸਟ 'ਚ ਖੜਗੇ ਨੇ ਕਿਹਾ ਕਿ ਘਰੇਲੂ ਐਲ.ਪੀ.ਜੀ. ਦੀਆਂ ਵਧਦੀਆਂ ਕੀਮਤਾਂ ਆਮ ਲੋਕਾਂ ਦੀਆਂ ਰਸੋਈ ਦਾ ਬਜਟ ਵਿਗਾੜ ਸਕਦੀਆਂ ਹਨ | ਉਨ੍ਹਾਂ ਕਿਹਾ ਕਿ ਮੋਦੀ ਸਰਕਾਰ ਨੇ ਪਿਛਲੇ ਚਾਰ ਮਹੀਨਿਆਂ 'ਚ ਘਰੇਲੂ ਐਲ.ਪੀ.ਜੀ. ਸਿਲੰਡਰਾਂ ਦੀ ਕੀਮਤ 89 ਰੁਪਏ ਵਧਾ ਦਿੱਤੀ ਹੈ | ਉਨ੍ਹਾਂ ਕਿਹਾ ਕਿ ਉੱਜਵਲਾ ਯੋਜਨਾ ਤਹਿਤ, 2025-26 ਦÏਰਾਨ 5.56 ਕਰੋੜ ਪਰਿਵਾਰਾਂ ਨੂੰ ਇਕ ਵੀ ਰਿਫਿਲ ਨਹੀਂ ਮਿਲਿਆ (ਜਾਂ ਸਿਰਫ਼ ਇੱਕ ਹੀ ਮਿਲਿਆ) | ਇਨ੍ਹਾਂ 'ਚੋਂ 3.30 ਕਰੋੜ ਪਰਿਵਾਰਾਂ ਨੇ ਇਕ ਵੀ ਸਿਲੰਡਰ ਰਿਫਿਲ ਨਹੀਂ ਕਰਵਾਇਆ | ਇਹ ਸਥਿਤੀ ਪੱਛਮੀ ਏਸ਼ੀਆ ਸੰਕਟ ਤੋਂ ਪਹਿਲਾਂ ਦੀ ਹੈ | ਕੀ ਇਹ ਮੋਦੀ ਸਰਕਾਰ ਦੀ ਮੁਨਾਫ਼ਾਖੋਰੀ ਦਾ ਨਤੀਜਾ ਨਹੀਂ ਹੈ?
