ਬ੍ਰਿਗੇਡੀਅਰ ਕਰਨੈਲ ਸਿੰਘ ਵਲੋਂ ਸ੍ਰੀ ਖੁਰਾਲਗੜ੍ਹ ਸਾਹਿਬ ਸਕੂਲ ਨੂੰ ਮਿੰਨੀ ਬੱਸ ਭੇਟ

ਬੀਣੇਵਾਲ, 10 ਅਕਤੂਬਰ (ਬੈਜ ਚੌਧਰੀ)-ਸਰਕਾਰੀ ਹਾਈ ਸਕੂਲ ਸ੍ਰੀ ਖੁਰਾਲਗੜ੍ਹ ਸਾਹਿਬ ਵਿਚ ਰੋਜ਼ਾਨਾ ਪੜ੍ਹਨ ਆ ਰਹੇ ਖੁਰਾਲੀ ਤੇ ਬਸਤੀ ਬਸੀ ਦੇ ਵਿਦਿਆਰਥੀਆਂ ਦੀ ਸਹੂਲਤ ਲਈ ਬ੍ਰਿਗੇਡੀਅਰ ਕਰਨੈਲ ਸਿੰਘ ਖੁਰਾਲਗੜ੍ਹ ਸਾਹਿਬ ਵਾਸੀ ਨੇ ਗਰਾਮ ਪੰਚਾਇਤ ਦੀ ਬੇਨਤੀ ਤੇ ਸਰਕਾਰੀ ਹਾਈ ਸਕੂਲ ਸ੍ਰੀ ਖੁਰਾਲਗੜ੍ਹ ਸਾਹਿਬ ਨੂੰ ਮਿੰਨੀ ਬੱਸ ਭੇਟ ਕੀਤੀ। ਇਸ ਮੌਕੇ ਮਿੰਨੀ ਬੱਸ ਦੀਆਂ ਚਾਬੀਆਂ ਭੇਟ ਕਰਨ ਮੌਕੇ ਬ੍ਰਿਗੇਡੀਅਰ ਕਰਨੈਲ ਸਿੰਘ ਦੀ ਧਰਮ ਪਤਨੀ ਰਵਿੰਦਰ ਕੌਰ ਨੇ ਕਿਹਾ ਕਿ ਸਮੂਹ ਪੰਚਾਇਤ ਦੀ ਮੰਗ ਨੂੰ ਪੂਰਾ ਕੀਤਾ ਗਿਆ ਹੈ, ਕਿਉਂਕਿ ਬਸਤੀ ਬਸੀ ਦੇ ਵਿਦਿਆਰਥੀਆਂ ਨੂੰ ਦੂਰ ਤੋਂ ਪੈਦਲ ਚਲ ਕੇ ਸਕੂਲ ਆਉਣਾ ਪੈਂਦਾ ਸੀ।