ਪਠਾਨਕੋਟ, 3 ਜੁਲਾਈ (ਸੰਧੂ)-ਰੋਟਰੀ ਕਲੱਬ ਪਠਾਨਕੋਟ ਗ੍ਰੇਟਰ ਨੇ ਸਾਲ 2026-27 ਦੇ ਆਪਣੇ ਪਹਿਲੇ ਸੇਵਾ ਪ੍ਰੋਜੈਕਟ ਤਹਿਤ ਪ੍ਰਧਾਨ ਨਿਖਿਲ ਲੁਥਰਾ ਦੀ ਅਗਵਾਈ ਹੇਠ ਸਿਵਲ ਹਸਪਤਾਲ ਵਿਖੇ ਪਠਾਨਕੋਟ ਵਿਕਾਸ ਮੰਚ ਵਲੋਂ ਚਲਾਈ ਜਾ ਰਹੀ ਸਸਤੀ ਰਸੋਈ ਵਿਚ ਲੋੜਵੰਦਾਂ ਨੂੰ ਦੁਪਹਿਰ ਦਾ ਭੋਜਨ ਵਰਤਾਇਆ। ਪ੍ਰਧਾਨ ਨਿਖਿਲ ਲੁਥਰਾ ਨੇ ਦੱਸਿਆ ਕਿ ਕਲੱਬ ਵਲੋਂ ਇਕ ਦਿਨ ਦੇ ਭੋਜਨ ਸੇਵਾ ਦਾ ਸਮੁੱਚਾ ਖ਼ਰਚਾ ਉਠਾਇਆ ਗਿਆ। ਜਿਸ ’ਚ ਸਾਰੇ ਮੈਂਬਰਾਂ ਨੇ ਸਹਿਯੋਗ ਦਿੱਤਾ। ਇਸ ਮੌਕੇ ਪਠਾਨਕੋਟ ਵਿਕਾਸ ਮੰਚ ਦੇ ਚੇਅਰਮੈਨ ਕਾਰਪੋਰੇਟਰ ਨਰਿੰਦਰ ਕਾਲਾ, ਲਲਿਤ ਸ਼ਰਮਾ, ਪੰਕਜ ਵਰਮਾ, ਵਿਜੈ ਚੋਪੜਾ, ਜੋਨਲ ਚੇਅਰਮੈਨ ਵਿਨੈ ਜੋਸ਼ੀ, ਸੰਜੀਵ ਗੁਪਤਾ, ਨਵਨੀਤ ਮਾਰਵਾਹ, ਸੁਨੀਲ ਮਹਾਜਨ, ਅਜੀਤ ਹਾਂਡਾ ਅਤੇ ਸੌਰਭ ਗੰਡੋਤਰਾ ਵੀ ਹਾਜ਼ਰ ਸਨ।
