ਧਾਰੀਵਾਲ, 6 ਜੁਲਾਈ (ਸਵਰਨ ਸਿੰਘ)-ਪਿੰਡ ਖਾਨਮਲੱਕ ਵਿਖੇ ‘ਮਾਵਾਂ ਧੀਆਂ ਸਤਿਕਾਰ ਯੋਜਨਾ’ ਤਹਿਤ ਮਹਿਲਾਵਾਂ ਦੇ ਖਾਤਿਆਂ ਵਿਚ ਪੈਸੇ ਆਉਣ ਨਾਲ ਖ਼ੁਸੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਇਸ ਸਬੰਧ ਵਿਚ ਕੰਵਲਜੀਤ ਕੌਰ ਚਾਹਲ ਜ਼ਿਲ੍ਹਾ ਪ੍ਰਧਾਨ ਸਰਵ ਆਂਗਣਵਾੜੀ ਵਰਕਰ ਯੂਨੀਅਨ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਦੇ ਦਿਸ਼ਾ-ਨਿਰਦੇਸ਼ਾਂ ਤੇ ਜਿਨ੍ਹਾਂ-ਜਿਨ੍ਹਾਂ ਮਹਿਲਾਵਾਂ ਦੇ ਫਾਰਮ ਭਰੇ ਸਨ, ਉਨ੍ਹਾਂ ਵਿਚੋਂ ਬਹੁਗਿਣਤੀ ਨੂੰ 3-3 ਮਹੀਨੇ ਦੇ ਪੈਸੇ ਪੈ ਗਏ ਹਨ ਤੇ ਕੁੱਝ ਕੁ ਰਹਿੰਦੀਆ ਨੂੰ ਮੈਸੇਜ ਆ ਗਏ ਹਨ। ਇਸ ਸਬੰਧ ਵਿਚ ਆਮ ਆਦਮੀ ਪਾਰਟੀ ਦੇ ਆਗੂ ਕੁਲਜੀਤ ਸਿੰਘ ਕਾਹਲੋਂ ਨੇ ਕਿਹਾ ਕਿ ਹਲਕਾ ਇੰਚਾਰਜ ਗੁਰਇਕਬਾਲ ਸਿੰਘ ਮਾਹਲ ਦੀ ਰਹਿਨੁਮਾਈ ਹੇਠ ਇਸ ਸਕੀਮ ਦਾ ਸਮੁੱਚਾ ਕੰਮ ਚੱਲ ਰਿਹਾ ਹੈ ਅਤੇ ਆਮ ਆਦਮੀ ਪਾਰਟੀ ਵੱਲੋਂ ਪੂਰੇ ਕੀਤੇ ਆਪਣੇ ਵਾਅਦੇ ਤੋਂ ਲੋਕ ਵੀ ਖੁਸ਼ ਹਨ। ਇਸ ਮੌਕੇ ਰਮਨਪ੍ਰੀਤ ਕੌਰ ਸੀ.ਐੱਚ.ਓ., ਅੰਜੂ ਬਾਲਾ, ਸਖੀਆਂ ਕੁਲਦੀਪ ਕੌਰ, ਮਲਕੀਤ ਕੌਰ ਤੋਂ ਇਲਾਵਾ ਜਗਰੂਪ, ਨਵਜੋਤ, ਅਮਨ, ਰਜਵਿੰਦਰ, ਨਰਿੰਦਰ, ਸੁਨੀਤਾ ਦੇਵੀ, ਰਣਜੀਤ ਕੌਰ ਆਦਿ ਲਾਭਪਾਤਰੀ ਹਾਜ਼ਰ ਸਨ।
