ਫ਼ਾਜ਼ਿਲਕਾ, 23 ਜਨਵਰੀ (ਦਵਿੰਦਰ ਪਾਲ ਸਿੰਘ)-ਥਾਣਾ ਸਦਰ ਪੁਲਿਸ ਨੇ ਜ਼ਬਰਦਸਤੀ ਰੁਪਏ ਖੋਹਣ ਵਾਲੇ 2 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਰਾਮ ਪ੍ਰਕਾਸ਼ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੁਖਜੀਤ ਸਿੰਘ ਪੁੱਤਰ ਇੰਦਰਜੀਤ ਸਿੰਘ ਵਾਸੀ ਸਿਵਲ ਲਾਇਨ ਫੇਸ-2 ਨੇੜੇ ਪ੍ਰੇਮ ਨਰਸਰੀ ਫ਼ਾਜ਼ਿਲਕਾ ਨੇ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਉਹ ਸੇਲ ਪਰਚੇਜ਼ ਦਾ ਕੰਮ ਕਰਦਾ ਹੈ, ਜੋ ਰਿਸ਼ਤੇਦਾਰੀ ਤੋਂ ਵਾਪਸ ਘਰ ਆ ਰਿਹਾ ਸੀ | ਇਸ ਦੌਰਾਨ ਉਹ ਸਲੇਮਸ਼ਾਹ ਰੋਡ ਨੇੜੇ ਨਾਨਵੈੱਜ ਖਾ ਰਿਹਾ ਸੀ | ਜਦੋਂ ਉਹ ਦੁਕਾਨਦਾਰਾਂ ਨੂੰ ਪੈਸੇ ਦੇਣ ਲੱਗਿਆ ਤਾਂ ਕੁਲਦੀਪ ਕੁਮਾਰ ਉਰਫ਼ ਗੱਬਰ ਪੁੱਤਰ ਰਾਂਝਾ ਰਾਮ ਤੇ ਜੋਰਾ ਖੋਸਾ ਪੁੱਤਰ ਦਿਆਲ ਰਾਮ ਵਾਸੀ ਸਲੇਮਸ਼ਾਹ ਨੇ ਪੈਸੇ ਦੇਖ ਲਏ | ਰਸਤੇ 'ਚ ਦੋਵਾਂ ਵਿਅਕਤੀਆਂ ਨੇ ਧੁੰਦ ਦਾ ਫ਼ਾਇਦਾ ਉਠਾ ਕੇ ਉਸ ਕੋਲੋਂ ਏ. ਟੀ. ਐਮ. ਕਾਰਡ, ਪੈੱਨ ਕਾਰਡ, ਡਰਾਈਵਿੰਗ ਲਾਇਸੈਂਸ, ਆਧਾਰ ਕਾਰਡ ਤੇ 20000 ਰੁਪਏ 'ਤੇ 2 ਮੋਬਾਈਲ ਫ਼ੋਨ ਧਮਕੀ ਦੇ ਕੇ ਜਬਰੀ ਲੈ ਗਏ | ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
