ਨਗਰ ਨਿਗਮ ਦੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ 'ਚ ਕਰੋੜਾਂ ਦੇ ਵਿਕਾਸ ਕਾਰਜਾਂ ਨੂੰ ਮਿਲੀ ਹਰੀ ਝੰਡੀ <br/>
ਅਜੀਤ ਡੈਸਕ
25-04-2026
ਵਿੱਤ ਤੇ ਠੇਕਾ ਕਮੇਟੀ ਨੇ ਕਿਹੜੇ ਕੰਮਾਂ ਨੂੰ ਦਿਖਾਈ ਝੰਡੀ : ਨਗਰ ਨਿਗਮ ਦੀ ਵਿੱਤ ਅਤੇ ਠੇਕਾ ਕਮੇਟੀ ਦੀ ਬੈਠਕ ਦੌਰਾਨ ਸ਼ਹਿਰ ਦੇ ਸੁੰਦਰੀਕਰਨ ਨਾਲ ਜੁੜੇ ਕੰਮਾਂ ਨੂੰ ਇਲਾਵਾ ਕਈ ਵਿਕਾਸ ਕਾਰਜਾਂ, ਸੀਵਰੇਜ਼ ਦੀ ਸਫ਼ਾਈ ਨਵੀ ਮਸ਼ੀਨਰੀ ਖਰੀਦਣ ਨੂੰ ਤਰਜੀਹ ਦਿੱਤੀ ਗਈ ਹੈ | ਇਸ ਦੌਰਾਨ ਸਿਵਲ ਵਿਭਾਗ ਅਤੇ ਓ.ਐਂਡ ਐੱਮ. ਨੂੰ ਪ੍ਰਵਾਨਗੀ ਦਿੱਤੀ | ਸਿਵਲ ਵਿਭਾਗ ਦੇ ਕੰਮਾਂ 'ਚ ਸ਼ਹਿਰ ਦੀਆਂ ਵੱਖ ਵੱਖ ਵਾਰਡਾਂ 'ਚ ਗਲੀਆਂ, ਨਾਲੀਆਂ ਬਣਾਉਣ, ਸੜਕਾਂ ਬਣਾਉਣ ਦੇ ਕੰਮ ਰੱਖੇ ਗਏ | ਇਸ ਤੋਂ ਇਲਾਵਾ ਓਐਂਡਐੱਮ ਦੇ ਕੰਮਾਂ 'ਚ ਨਵੇਂ ਟਿਊਬਵੈੱਲ ਲਗਾਉਣ ਅਤੇ ਸੀਵਰੇਜ਼ ਦੀ ਡੀਸਿਲਟਿੰਗ ਦੇ ਕੰਮ ਪ੍ਰਵਾਨ ਕੀਤੇ ਗਏ | ਇਸ ਦੇ ਨਾਲ ਹੀ ਸੀਵਰੇਜ਼ ਦੇ ਕੰਮਾਂ 'ਚ ਸੁਧਾਰ ਲਿਆਉਣ ਲਈ ਨਿਗਮ ਵਲੋਂ ਵੱਡੇ ਪੱਧਰ ਤੇ ਮਸ਼ੀਨਰੀ ਖਰੀਦੀ ਜਾ ਰਹੀ ਹੈ | ਜਿਸ 'ਚ 9 ਹਜ਼ਾਰ ਲੀਟਰ ਦੀ ਸਮਰਥਾ ਵਾਲੀਆਂ ਤਿੰਨ, 6000 ਲੀਟਰ ਸਮਰੱਥਾ ਵਾਲੀਆਂ 3 ਕੰਬਾਇਡ ਵੈਕੂਇਮ ਜੈਟਿੰਗ ਮਸ਼ੀਨਾਂ ਨੂੰ ਖਰੀਦਣ ਲਈ ਪ੍ਰਵਾਨਗੀ ਦਿੱਤੀ ਗਈ ਹੈ | ਇਸ ਦੇ ਨਾਲ ਹੀ 5 ਨਵੀਆਂ ਗਰੈਬ ਬਕਟ ਮਸ਼ੀਨਾਂ ਅਤੇ ਸੁਪਰ ਸੱਕਰ ਮਸ਼ੀਨਾਂ ਨੂੰ ਖਰੀਦਣ ਨੂੰ ਵੀ ਹਰੀ ਝੰਡੀ ਦਿੱਤੀ ਗਈ ਹੈ | ਇਸ ਬੈਠਕ ਦੇ ਦੌਰਾਨ ਪ੍ਰਵਾਨ ਹੋਏ ਕੰਮਾਂ ਨਾਲ ਸ਼ਹਿਰ ਵਿਚ ਸੁਧਾਰ ਹੋ ਸਕਦਾ ਹੈ |
