ਅੰਮਿ੍ਤਸਰ, 24 ਅਪੈ੍ਰਲ (ਰਾਜੇਸ਼ ਕੁਮਾਰ ਸ਼ਰਮਾ)-ਨਾਜਾਇਜ਼ ਤੇ ਨਕਲੀ ਸ਼ਰਾਬ ਵਿਰੁੱਧ ਚਲਾਈ ਮੁਹਿੰਮ ਨੂੰ ਤੇਜ ਕਰਦੇ ਹੋਏ ਆਬਕਾਰੀ ਅੰਮਿਤਸਰ ਦੀ ਟੀਮ ਵਲੋਂ ਹੋਟਲ, ਰੈਸਟੋਰੈਂਟ ਤੇ ਢਾਬਿਆਂ 'ਤੇ ਛਾਪੇਮਾਰੀ ਕੀਤੀ ਅਤੇ ਸ਼ਰਾਬ ਦੀਆਂ ਖਾਲੀ ਬੋਤਲਾਂ ਨੂੰ ਨਸ਼ਟ ਕਰਵਾਇਆ ਗਿਆ | ਸਹਾਇਕ ਕਮਿਸ਼ਨਰ ਡੀ. ਐਸ. ਚੀਮਾ ਦੇ ਦਿਸ਼ਾ ਨਿਰਦੇਸ਼ਾਂ 'ਤੇ ਈ. ਟੀ. ਓ. ਰਮਨ ਭਗਤ ਦੀ ਨਿਗਰਾਨੀ ਹੇਠ ਸਹਾਇਕ ਆਬਕਾਰੀ ਅਫ਼ਸਰ ਰਮਨ ਕੁਮਾਰ ਸ਼ਰਮਾ ਤੇ ਟੀਮ ਵਲੋਂ ਇਸ ਕਾਰਵਾਈ ਨੂੰ ਅੰਜਾਮ ਦਿੱਤਾ ਗਿਆ | ਟੀਮ ਨੇ ਅਟਾਰੀ ਰੋਡ ਅਤੇ ਖੰਡਵਾਲਾ ਸਥਿਤ ਹੋਟਲ, ਰੈਸਟੋਰੈਂਟ ਅਤੇ ਢਾਬਿਆਂ 'ਤੇੇ ਛਾਪੇਮਾਰੀ ਕੀਤੀ ਅਤੇ ਖਾਲੀ ਬੋਤਲਾਂ ਨੂੰ ਨਸ਼ਟ ਕਰਵਾਇਆ | ਇਸਦੇ ਨਾਲ ਹੀ ਉਨ੍ਹਾਂ ਪ੍ਰਬੰਧਕਾਂ ਨੂੰ ਆਬਕਾਰੀ ਨੀਤੀ ਦੀ ਪਾਲਣਾ ਕਰਨ ਲਈ ਵੀ ਕਿਹਾ | ਇਸ ਤੋਂ ਇਲਾਵਾ ਆਬਕਾਰੀ ਟੀਮ ਨੇ ਇੰਡੀਆ ਗੇਟ ਅਟਾਰੀ ਰੋਡ ਨਜ਼ਦੀਕ ਠੇਕਿਆਂ ਦੇ ਰਿਕਾਰਡ ਅਤੇ ਪੇਂਟ ਦੀਆਂ ਦੁਕਾਨਾਂ 'ਤੇ ਵੀ ਚੈਕਿੰਗ ਮੁਹਿੰਮ ਚਲਾਈ |
