ਰੋਟਰੀ ਕਲੱਬ ਅੰਮ੍ਰਿਤਸਰ ਸਾਊਥ ਈਸਟ ਨੇ ਮਨਾਇਆ 20ਵਾਂ ਸਥਾਪਨਾ ਦਿਵਸ

ਅੰਮ੍ਰਿਤਸਰ, 25 ਜੁਲਾਈ (ਸੁਰਿੰਦਰ ਕੋਛੜ)-ਰੋਟਰੀ ਕਲੱਬ ਅੰਮ੍ਰਿਤਸਰ ਸਾਊਥ ਈਸਟ ਦਾ 20ਵਾਂ ਸਥਾਪਨਾ ਦਿਵਸ ਸਥਾਨਕ ਅੰਮ੍ਰਿਤਸਰ ਕਲੱਬ ਵਿਖੇ ਪ੍ਰਧਾਨ ਰੋਟੇਰੀਅਨ ਐੱਸ. ਪੀ. ਸਿੰਘ (ਆਲ ਇੰਡੀਆ ਰੇਡਿਓ) ਦੀ ਪ੍ਰਧਾਨਗੀ ਅਤੇ ਰੋਟੇਰੀਅਨ ਇੰਜ. ਪੀ. ਐੱਸ. ਗਰੋਵਰ ਦੀ ਸਰਪ੍ਰਸਤੀ ਹੇਠ ਮਨਾਇਆ ਗਿਆ। ਇੰਸਟਾਲੇਸ਼ਨ ਅਫ਼ਸਰ ਡਾ: ਪੀ. ਐੱਸ. ਗਰੋਵਰ ਇਸ ਸਮਾਰੋਹ ‘ਚ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਮੁੱਖ ਮਹਿਮਾਨ ਨੇ ਨਵੀਂ ਬੋਰਡ ਟੀਮ ਨੂੰ ਲੈਪਲ ਪਿੰਨ ਲਗਾ ਕੇ ਅਹੁਦੇ ਸੌਂਪੇ। ਇਸ ਦੌਰਾਨ ਰੋਟੇਰੀਅਨ ਕੇ. ਕੇ. ਧੰਢ, ਡਾ: ਜਸਪਾਲ ਸਾਹਨੀ, ਪਦਮਜੀਤ ਸਿੰਘ, ਡਾ: ਅਤੁਲ ਸ਼ਰਮਾ, ਡਾ: ਪ੍ਰਸ਼ੋਤਮ ਅਤੇ ਰੋਟੇਰੀਅਨ ਵਰਿੰਦਰ ਕੇ. ਮਾਣਕ ਵੀ ਹਾਜ਼ਰ ਸਨ। ਇਸ ਮੌਕੇ ਡਾ: ਅਤੁਲ ਸ਼ਰਮਾ ਨੇ ਸਾਲਾਨਾ ਪ੍ਰੋਜੈਕਟ ਰਿਪੋਰਟ ਪੇਸ਼ ਕੀਤੀ। ਜਦਕਿ ਡਾ: ਪੀ. ਐੱਸ. ਗਰੋਵਰ ਨੇ ਰੋਟੇਰੀਅਨ ਐੱਸ. ਪੀ. ਸਿੰਘ ਦੀਆਂ ਸਮਰਪਿਤ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਦੱਸਿਆ ਕਿ ਉਨ੍ਹਾਂ ਦੀ ਅਗਵਾਈ ਹੇਠ ਰੋਟਰੀ ਕਲੱਬ ਅੰਮ੍ਰਿਤਸਰ ਸਾਊਥ ਈਸਟ ਅਤੇ ਰੋਟਰੀ ਕਲੱਬ ਅੰਮ੍ਰਿਤਸਰ ਵੈਸਟ ਵਲੋਂ ਹੜ੍ਹ ਪੀੜਤਾਂ ਲਈ ਸਾਂਝੇ ਤੌਰ ‘ਤੇ 2 ਲੱਖ ਰੁਪਏ ਦੀ ਸਹਾਇਤਾ ਦਿੱਤੀ ਗਈ। ਉਨ੍ਹਾਂ ਕਲੱਬ ਨੂੰ ਮਿਲੇ ਐਕਸੀਲੈਂਟ ਕਲੱਬ ਐਵਾਰਡ ਲਈ ਵੀ ਵਧਾਈ ਦਿੱਤੀ। ਸਮਾਗਮ ‘ਚ ਰੋਟਰੀ ਕਲੱਬ ਅੰਮ੍ਰਿਤਸਰ ਵੈਸਟ ਦੇ ਰੋਟੇਰੀਅਨ ਡਾ: ਜਸਪ੍ਰੀਤ ਸਿੰਘ ਸਮੇਤ ਵੱਖ-ਵੱਖ ਰੋਟਰੀ ਕਲੱਬਾਂ ਦੇ ਅਹੁਦੇਦਾਰ ਅਤੇ ਮੈਂਬਰ ਹਾਜ਼ਰ ਸਨ।