ਭਿੱਖੀਵਿੰਡ, 25 ਅਪ੍ਰੈਲ (ਬੌਬੀ)- ਸਿਵਲ ਸਰਜਨ ਤਰਨ ਤਾਰਨ ਡਾ. ਗੁਰਪ੍ਰੀਤ ਸਿੰਘ ਰਾਏ ਅਤੇ ਜ਼ਿਲ੍ਹਾ ਐਪਡਿਮੋਲੋਜਿਸਟ ਡਾ. ਰਾਘਵ ਗੁਪਤਾ ਦੇ ਦਿਸ਼ਾ ਨਿਰਦੇਸ਼ਾ ਅਤੇ ਡਾ.ਰਮਨਦੀਪ ਸਿੰਘ ਪੱਡਾ ਐੱਸ.ਐੱਮ.ਓ. ਸੁਰਸਿੰਘ ਦੀ ਨਿਗਰਾਨੀ ਹੇਠ ਵਿਸ਼ਵ ਮਲੇਰੀਆ ਦਿਵਸ ਮੌਕੇ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੇ) ਭਿੱਖੀਵਿੰਡ ਵਿਖੇ 10 ਵੀਂ, ਗਿਆਰਵੀਂ ਅਤੇ ਬਾਰ੍ਹਵੀਂ ਦੇ ਬੱਚਿਆਂ ਅਤੇ ਸਕੂਲ ਦੇ ਸਟਾਫ਼ ਨੂੰ ਮਲੇਰੀਆ ਸੰਬੰਧੀ ਜਾਗਰੂਕ ਕੀਤਾ ਗਿਆ | ਇਸ ਮੌਕੇ ਜਾਗਰੂਕ ਕਰਦੇ ਹੋਏ ਬਲਜਿੰਦਰ ਸਿੰਘ ਐੱਮ.ਪੀ.ਐੱਚ. ਡਬਲਯੂ. ਨੇ ਦੱਸਿਆ ਕਿ ਮਲੇਰੀਏ ਦਾ ਮੱਛਰ ਇਸ ਸਮੇਂ ਕੱਟਦਾ ਹੈ ਤੇ ਬੁਖਾਰ ਬਹੁਤ ਤੇਜ ਹੋ ਜਾਂਦਾ ਹੈ | ਇਸ ਦੌਰਾਨ ਸਿਰ ਦਰਦ, ਮਾਸਪੇਸ਼ੀਆਂ ਵਿਚ ਦਰਦ ਤੇ ਕਾਂਬਾ ਛਿੜਦਾ ਹੈ ਅਜਿਹੇ ਲੱਛਣ ਹੋਣ 'ਤੇ ਨਜਦੀਕੀ ਸਰਕਾਰੀ ਹਸਪਤਾਲ ਵਿਚ ਜਾ ਕੇ ਡਾਕਟਰ ਦੁਆਰਾ ਆਪਣੀ ਜਾਂਚ ਕਰਵਾਉਣੀ ਚਾਹੀਦੀ ਹੈ | ਪੰਜਾਬ ਦੇ ਸਾਰੇ ਸਰਕਾਰੀ ਹਸਪਤਾਲਾਂ ਵਿਚ ਮਲੇਰੀਏ ਦੀ ਜਾਂਚ ਅਤੇ ਇਲਾਜ ਬਿਲਕੁਲ ਹੈ | ਇਸ ਮੌਕੇ ਅਧਿਆਪਕ ਅਨਮੀਤ ਸਿੰਘ, ਬਲਜਿੰਦਰ ਸਿੰਘ, ਐੱਸ.ਆਈ. ਸੁਖਜੀਤ ਸਿੰਘ, ਬਖਤਾਵਰ ਸਿੰਘ ਐੱਮ.ਪੀ.ਐੱਚ. ਡਬਲਯੂ, ਬਲਜਿੰਦਰ ਸਿੰਘ ਐੱਮ.ਪੀ.ਐੱਚ.ਡਬਲਯੂ, ਅਤੇ ਸਕੂਲ ਦਾ ਸਾਰਾ ਸਟਾਫ਼ ਤੇ ਵਿਦਿਆਰਥੀ ਹਾਜ਼ਰ ਸਨ |
