ਸੀਪੀ 67 ਮਾਲ ਵਿੱਚ ਸਜੀ ਰਾਮਾਇਣ ਦੀ ਝਲਕ , ‘ ਰਾਮਾਗਮਨ – ਦ ਗ੍ਰੈਂਡ ਹੋਮਕਮਿੰਗ ’ ਨਾਲ ਦੀਵਾਲੀ ਉਤਸਵ ਦਾ ਆਗਾਜ਼
ਮੋਹਾਲੀ, 13 ਅਕਤੂਬਰ (ਅ. ਬ.)
ਮੋਹਾਲੀ, 13 ਅਕਤੂਬਰ (ਅ.ਬ.) : ਦੀਵਾਲੀ ਦੇ ਤਿਉਹਾਰ ਮੌਕੇ ਮੋਹਾਲੀ ਦੇ ਸੀਪੀ67 ਮਾਲ ਵਿੱਚ ਭਾਰਤੀ ਸੱਭਿਆਚਾਰ ਅਤੇ ਰਾਮਾਇਣ ਦੀ ਅਮਰ ਗਾਥਾ ਨੂੰ ਸਮਰਪਿਤ ਵਿਸ਼ੇਸ਼ ਸਮਾਗਮ ‘ਰਾਮਾਗਮਨ–ਦ ਗ੍ਰੈਂਡ ਹੋਮਕਮਿੰਗ’ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਪਹਿਲ ਦਾ ਮਕਸਦ ਸੱਚਾਈ, ਧਰਮ ਅਤੇ ਬੁਰਾਈ ’ਤੇ ਚੰਗਿਆਈ ਦੀ ਜਿੱਤ ਦਾ ਸੰਦੇਸ਼ ਲੋਕਾਂ ਤੱਕ ਪਹੁੰਚਾਉਣਾ ਹੈ। ਮਾਲ ਦੇ ਪ੍ਰਵੇਸ਼ ਦੁਆਰ ’ਤੇ ਤਿਆਰ ਕੀਤੀ ਗਈ ਅਸ਼ੋਕ ਵਾਟਿਕਾ ਅਤੇ ਰਾਮਾਇਣ ਤੋਂ ਪ੍ਰੇਰਿਤ ਪੁਸ਼ਪਕ ਵਿਮਾਨ ਦੀ ਸ਼ਾਨਦਾਰ ਕਲਾਕ੍ਰਿਤੀ ਲੋਕਾਂ ਲਈ ਖਿੱਚ ਦਾ ਕੇਂਦਰ ਬਣੀ ਹੋਈ ਹੈ। ਰਵਾਇਤੀ ਸਜਾਵਟ ਅਤੇ ਰੌਸ਼ਨੀਆਂ ਨਾਲ ਮਾਲ ਵਿੱਚ ਤਿਉਹਾਰੀ ਮਾਹੌਲ ਸਿਰਜਿਆ ਗਿਆ ਹੈ। ਇਸ ਮੌਕੇ ਬੱਚਿਆਂ ਵੱਲੋਂ ‘ਬਾਲ ਰਾਮਾਇਣ’ ਦਾ ਮੰਚਨ ਕੀਤਾ ਜਾ ਰਿਹਾ ਹੈ, ਜਦਕਿ ਦ ਹੋਮਲੈਂਡ ਓਪੇਰਾ ਵਿਖੇ ਸ਼ਾਮ 7 ਵਜੇ ਵਿਸ਼ੇਸ਼ ਰਾਮਲੀਲਾ ਵੀ ਕਰਵਾਈ ਗਈ। ਇਨ੍ਹਾਂ ਪੇਸ਼ਕਾਰੀਆਂ ਰਾਹੀਂ ਨਵੀਂ ਪੀੜ੍ਹੀ ਨੂੰ ਭਾਰਤੀ ਸੱਭਿਆਚਾਰ ਅਤੇ ਪਰੰਪਰਾਵਾਂ ਨਾਲ ਜੋੜਨ ਦਾ ਉਪਰਾਲਾ ਕੀਤਾ ਗਿਆ। ਹੋਮਲੈਂਡ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਮ੍ਰਿਣਾਲ ਮਿੱਤਲ ਨੇ ਕਿਹਾ ਕਿ ਇਸ ਸਮਾਗਮ ਦਾ ਉਦੇਸ਼ ਪਰਿਵਾਰਾਂ ਨੂੰ ਭਾਰਤੀ ਵਿਰਾਸਤ ਦੇ ਨੇੜੇ ਲਿਆਉਣਾ ਅਤੇ ਦੀਵਾਲੀ ਦੀਆਂ ਖੁਸ਼ੀਆਂ ਨੂੰ ਹੋਰ ਯਾਦਗਾਰ ਬਣਾਉਣਾ ਹੈ। ਸੀਪੀ67 ਮਾਲ ਵੱਲੋਂ ਸੱਭਿਆਚਾਰਕ ਸਮਾਗਮਾਂ ਰਾਹੀਂ ਮਨੋਰੰਜਨ ਅਤੇ ਭਾਈਚਾਰਕ ਸਾਂਝ ਨੂੰ ਵੀ ਉਤਸ਼ਾਹਿਤ ਕੀਤਾ ਜਾ ਰਿਹਾ ਹੈ।
