ਲਵਾਰਸ ਕੁੱਤਿਆਂ ਦੀ ਭਰਮਾਰ ਕਾਰਨ ਨਾਗਰਿਕਾਂ ’ ਚ ਸਹਿਮ 11 ਵਿਅਕਤੀਆਂ ’ਤੇ ਹਮਲੇ ਮਗਰੋਂ ਤਾਂ ਪ੍ਰਸ਼ਾਸਨ ਅੱਖਾਂ ਖੋਲ੍ਹੇ : ਸੱਚਦੇਵਾ
ਨੰਗਲ, 10 ਅਕਤੂਬਰ (ਗੁਰਪ੍ਰੀਤ ਸਿੰਘ ਗਰੇਵਾਲ)- ਲਾਵਾਰਸ ਕੁੱਤਿਆਂ ਦੀ ਭਰਮਾਰ ਕਾਰਨ ਲੋਕ ਅੰਤਾਂ ਦੀ ਮਾਨਸਿਕ ਪ੍ਰੇਸ਼ਾਨੀ ਹੰਢਾਅ ਰਹੇ ਹਨ । ਪਿਛਲੇ ਦਿਨੀਂ ਇਕੱਲੇ ਰਾਜ ਨਗਰ ’ਚੋਂ ਹੀ 11 ਵਿਅਕਤੀ ਸਾਹਮਣੇ ਆਏ ਜਿਨ੍ਹਾਂ ਨੂੰ ਹਸਪਤਾਲ ਜਾਣਾ ਪਿਆ ।
ਨੰਗਲ, 10 ਅਕਤੂਬਰ (ਗੁਰਪ੍ਰੀਤ ਸਿੰਘ ਗਰੇਵਾਲ)- ਲਾਵਾਰਸ ਕੁੱਤਿਆਂ ਦੀ ਭਰਮਾਰ ਕਾਰਨ ਲੋਕ ਅੰਤਾਂ ਦੀ ਮਾਨਸਿਕ ਪ੍ਰੇਸ਼ਾਨੀ ਹੰਢਾਅ ਰਹੇ ਹਨ । ਪਿਛਲੇ ਦਿਨੀਂ ਇਕੱਲੇ ਰਾਜ ਨਗਰ ’ਚੋਂ ਹੀ 11 ਵਿਅਕਤੀ ਸਾਹਮਣੇ ਆਏ ਜਿਨ੍ਹਾਂ ਨੂੰ ਹਸਪਤਾਲ ਜਾਣਾ ਪਿਆ । ਇੱਕ ਕੁੱਤੇ ਨੇ ਅਚਾਨਕ ਹੀ ਕਈ ਨਾਗਰਿਕਾਂ ਨੂੰ ਵੱਢ ਲਿਆ। ਕੈਬਨਿਟ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਜ਼ਖ਼ਮੀਆਂ ਦਾ ਹਾਲ ਚਾਲ ਜਾਣ ਮਗਰੋਂ ਅਧਿਕਾਰੀਆਂ ਨੂੰ ਸਖ਼ਤ ਹੁਕਮ ਵੀ ਦਿੱਤੇ ਹਨ । ਇਸੇ ਦੌਰਾਨ ਆਰ.ਟੀ.ਆਈ. ਕਾਰਕੁੰਨ ਯੋਗੇਸ਼ ਸੱਚਦੇਵਾ ਨੇ ਦੱਸਿਆ ਕਿ ਅਸੀਂ ਪ੍ਰਸ਼ਾਸਨ ਨੂੰ ਰਜਿਸਟਰਡ ਡਾਕ ਰਾਹੀਂ ਕਈ ਸ਼ਿਕਾਇਤਾਂ ਕੀਤੀਆਂ ਪਰ ਕੋਈ ਕਾਰਵਾਈ ਨਹੀਂ ਹੋਈ । ਬਾਬਾ ਬਾਲਕ ਨਾਥ ਮੰਦਰ ਗਲੀ ’ਚ ਰਹਿੰਦੇ ਰਾਜੀਵ ਕੁਮਾਰ ਨੇ ਸੋਸ਼ਲ ਮੀਡੀਆ ’ਤੇ ਬੜੀਆਂ ਤਿੱਖੀਆਂ ਟਿੱਪਣੀਆਂ ਕੀਤੀਆਂ ਹਨ। ਕੁੱਝ ਮਹੀਨੇ ਪਹਿਲਾਂ ਅਮੋਲ ਕਾਲੀਆ ਸਕੂਲ ਦੀ ਕਰਮਯੋਗੀ ਟੀਚਰ ਜਯੋਤੀ ਪਠਾਨੀਆਂ ਸਕੂਟਰ ਤੋਂ ਡਿਗ ਗਈ ਸੀ । ਕਿਉਂਕਿ ਹਮਲਾਵਰ ਕੁੱਤਾ ਮਗਰ ਪੈ ਗਿਆ ਸੀ । ਸ਼ਹਿਰ ’ਚ ਲਾਵਾਰਸ ਢੱਠਿਆਂ ਦੀ ਭਰਮਾਰ ਵੀ ਗੰਭੀਰ ਸਮੱਸਿਆ ਹੈ।
