ਅਟਾਰੀ ਦੇ 11 ਸਾਲਾ ਹਾਕੀ ਖਿਡਾਰੀ ਲਗਾਤਾਰ ਤੀਜੇ ਸਾਲ ਜ਼ਿਲ੍ਹੇ ਭਰ ’ਚੋਂ ਅੱਵਲ ਰਹੇ

ਅਟਾਰੀ ਸਰਹੱਦ, 29 ਅਕਤੂਬਰ (ਰਾਜਿੰਦਰ ਸਿੰਘ ਰੂਬੀ/ ਗੁਰਦੀਪ ਸਿੰਘ)-ਹਾਕੀ ਉਲੰਪੀਅਨ ਸ਼ਮਸ਼ੇਰ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਅਟਾਰੀ ਦੀ ਹਾਕੀ ਗਰਾਉਂਡ ਦੇ 11 ਸਾਲ ਦੇ ਹਾਕੀ ਖਿਡਾਰੀ ਬੱਚਿਆਂ ਵਲੋਂ ਲਗਾਤਾਰ ਤਿੰਨ ਸਾਲ ਜ਼ਿਲ੍ਹੇ ਵਿਚੋਂ ਅੱਵਲ ਆਉਣ ਦਾ ਖਿਤਾਬ ਹਾਸਿਲ ਕੀਤਾ ਗਿਆ ਹੈ। ਸੀਨੀਅਰ ਹਾਕੀ ਕੋਚ ਅਮਰਜੀਤ ਸਿੰਘ, ਸਹਾਇਕ ਕੋਚ ਗੁਰਪ੍ਰੀਤ ਸਿੰਘ, ਹਰਚੰਦ ਸਿੰਘ ਨੇ ਸਾਂਝੇ ਤੌਰ ’ਤੇ ਦੱਸਿਆ ਕਿ ਜਿੱਥੇ ਅਟਾਰੀ ਹਾਕੀ ਗਰਾਊਂਡ ਵਿਚੋਂ ਕੌਮਾਂਤਰੀ ਪੱਧਰ ਦੇ ਖਿਡਾਰੀ ਹਾਕੀ ਉਲੰਪੀਅਨ ਸ਼ਮਸ਼ੇਰ ਸਿੰਘ ਅਤੇ ਉਲੰਪੀਅਨ ਜੁਗਰਾਜ ਸਿੰਘ ਇਸ ਗਰਾਊਂਡ ਵਿਚੋਂ ਖੇਡਦੇ ਹੋਏ ਅੱਜ ਦੁਨੀਆਂ ਭਰ ਵਿਚ ਦੇਸ਼ ਦਾ ਪੰਜਾਬ ਦਾ ਅਤੇ ਖਾਸ ਕਰਕੇ ਅਟਾਰੀ ਦਾ ਨਾਮ ਰੌਸ਼ਨ ਕਰ ਰਹੇ ਹਨ ਉਥੇ ਹੀ ਉਨ੍ਹਾਂ ਦੇ ਪੂਰਨੇ ’ਤੇ ਚਲਦਿਆਂ ਨਿੱਕੇ ਨਿੱਕੇ 11 ਸਾਲ ਦੇ ਹਾਕੀ ਖਿਡਾਰੀ ਬੱਚੇ ਵੀ ਆਪਣੇ ਸਕੂਲ ਤੇ ਕਸਬਾ ਅਟਾਰੀ ਦਾ ਨਾਮ ਰੋਸ਼ਨ ਕਰਦਿਆਂ ਐਤਕੀਂ ਤੀਸਰੀ ਵਾਰ ਜ਼ਿਲ੍ਹੇ ਭਰ ਵਿਚੋਂ ਲਗਾਤਾਰ ਜਿੱਤ ਹਾਸਿਲ ਕੀਤੀ ਗਈ ਹੈ।