ਅੰਮਿ੍ਤਸਰ, 5 ਮਾਰਚ (ਸੁਰਿੰਦਰ ਕੋਛੜ)-ਅਮਰੀਕੀ ਰਾਜਨੀਤਕ ਹਸਤੀਆਂ ਨੂੰ ਮਾਰਨ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ੀ ਪਾਕਿਸਤਾਨੀ ਨਾਗਰਿਕ ਨੇ ਇਕ ਮਹੱਤਵਪੂਰਨ ਖ਼ੁਲਾਸਾ ਕਰਦਿਆਂ ਅਮਰੀਕੀ ਅਦਾਲਤ ਨੂੰ ਦੱਸਿਆ ਕਿ ਈਰਾਨੀ ਜਾਸੂਸਾਂ ਨੇ ਉਸ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਜੋਅ ਬਾਈਡਨ ਨੂੰ ਮਾਰਨ ਦੀ ਸਾਜ਼ਿਸ਼ ਰਚਣ ਲਈ ਮਜਬੂਰ ਕੀਤਾ | ਬਰੁਕਲਿਨ ਦੀ ਇਕ ਸੰਘੀ ਅਦਾਲਤ 'ਚ ਆਪਣੀ ਗਵਾਹੀ ਦੌਰਾਨ ਅੱਤਵਾਦ ਅਤੇ ਕੰਟਰੈਕਟ ਕਿਲਿੰਗ ਦੇ ਦੋਸ਼ੀ 47 ਸਾਲਾ ਆਸਿਫ਼ ਮਰਚੈਂਟ ਨੇ ਦਾਅਵਾ ਕੀਤਾ ਕਿ ਉਸ ਨੂੰ ਤਹਿਰਾਨ 'ਚ ਰਹਿੰਦੇ ਆਪਣੇ ਪਰਿਵਾਰ ਦੀ ਰੱਖਿਆ ਲਈ ਸਾਜ਼ਿਸ਼ 'ਚ ਸ਼ਾਮਿਲ ਹੋਣ ਲਈ ਮਜਬੂਰ ਕੀਤਾ ਗਿਆ ਸੀ | ਸਾਬਕਾ ਬੈਂਕਰ ਮਰਚੈਂਟ 'ਤੇ ਦੋ ਐੱਫ.ਬੀ.ਆਈ. ਏਜੰਟਾਂ ਨੂੰ ਹੱਤਿਆ ਬਦਲੇ 5,000 ਡਾਲਰ ਦੇਣ ਦਾ ਦੋਸ਼ ਹੈ, ਜਿਸ ਤੋਂ ਉਸ ਨੇ ਸਾਫ਼ ਇਨਕਾਰ ਕੀਤਾ ਹੈ | ਉਸ ਨੇ ਕਿਹਾ ਕਿ ਅਪ੍ਰੈਲ 2024 'ਚ ਇਕ ਈਰਾਨੀ ਹੈਂਡਲਰ ਨੇ ਉਸ ਨੂੰ ਅਮਰੀਕਾ ਆਉਣ ਅਤੇ ਕਿਸੇ ਦੀ ਹੱਤਿਆ ਕਰਨ ਲਈ ਕਿਹਾ, ਜਦੋਂ ਕਿ ਬਾਅਦ 'ਚ ਉਸ ਨੂੰ ਟਰੰਪ, ਬਾਈਡਨ ਅਤੇ ਨਿੱਕੀ ਹੇਲੀ ਦੇ ਨਾਂਅ ਦੱਸੇ ਗਏ | ਉਸ ਸਮੇਂ ਟਰੰਪ ਅਤੇ ਬਾਈਡਨ ਰਾਸ਼ਟਰਪਤੀ ਚੋਣਾਂ ਲਈ ਪ੍ਰਮੁੱਖ ਉਮੀਦਵਾਰ ਸਨ | ਅਗਸਤ 2024 'ਚ ਆਪਣੀ ਗਿ੍ਫ਼ਤਾਰੀ ਤੋਂ ਬਾਅਦ ਮਰਚੈਂਟ ਨੇ ਦੋਸ਼ੀ ਨਾ ਹੋਣ ਦਾ ਦਾਅਵਾ ਕੀਤਾ ਸੀ | ਉਸ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕੋਰ ਦੇ ਮੈਂਬਰ ਮੇਹਰਦਾਦ ਯੂਸਫ਼ ਨੇ ਉਸ ਦੇ ਤਹਿਰਾਨ ਸਥਿਤ
