ਹੈਦਰਾਬਾਦ ਨੂੰ 6 ਵਿਕਟਾਂ ਨਾਲ ਹਰਾਇਆ

ਅ

ਅਜੀਤ ਡੈਸਕ 29-03-2026

ਬੈਂਗਲੁਰੂ ਵਲੋਂ ਆਈ.ਪੀ.ਐਲ. 'ਚ ਜੇਤੂ ਸ਼ੁਰੂਆਤ
ਬੈਂਗਲੁਰੂ, 28 ਮਾਰਚ (ਪੀ.ਟੀ.ਆਈ.)-ਮੌਜੂਦਾ ਚੈਂਪੀਅਨ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੇ ਆਈ.ਪੀ.ਐਲ. ਦੇ 19ਵੇਂ ਸੀਜ਼ਨ ਦੀ ਸ਼ੁਰੂਆਤ ਜਿੱਤ ਨਾਲ ਕੀਤੀ | ਟੀਮ ਨੇ ਚਿੰਨਾਸਵਾਮੀ ਸਟੇਡੀਅਮ 'ਚ ਸਨਰਾਈਜ਼ਰਸ ਹੈਦਰਾਬਾਦ ਨੂੰ 6 ਵਿਕਟਾਂ ਨਾਲ ਹਰਾਇਆ | ਟਾਸ ਹਾਰਨ 'ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਸੱਦਾ ਦੇਣ ਤੋਂ ਬਾਅਦ ਐਸ.ਆਰ.ਐਚ. ਨੇ ਕੁੱਲ 201 ਦੌੜਾਂ ਬਣਾਈਆਂ | ਆਰ.ਸੀ.ਬੀ. ਨੇ ਸਿਰਫ਼ 15.4 ਓਵਰਾਂ 'ਚ ਟੀਚਾ ਹਾਸਲ ਕਰ ਲਿਆ | ਇਸ ਮੌਕੇ ਵਿਰਾਟ ਕੋਹਲੀ ਨੇ 69 ਦੌੜਾਂ ਬਣਾਈਆਂ, ਦੇਵਦੱਤ ਪਡਿੱਕਲ ਨੇ 61 ਦੌੜਾਂ ਬਣਾਈਆਂ ਤੇ ਰਜਤ ਪਾਟੀਦਾਰ ਨੇ 31 ਦੌੜਾਂ ਦਾ ਯੋਗਦਾਨ ਪਾਇਆ | ਗੇਂਦਬਾਜ਼ੀ ਵਿਭਾਗ ਵਿਚ, ਜੈਕਬ ਡਫੀ ਤੇ ਰੋਮਾਰੀਓ ਸ਼ੈਫਰਡ ਨੇ 3-3 ਵਿਕਟਾਂ ਲਈਆਂ | ਐਸ.ਆਰ.ਐਚ. ਲਈ ਕਪਤਾਨ ਈਸ਼ਾਨ ਕਿਸ਼ਨ ਨੇ 80 ਦੌੜਾਂ, ਅਨਿਕੇਤ ਵਰਮਾ ਨੇ 43 ਦੌੜਾਂ ਬਣਾਈਆਂ ਤੇ ਹੇਨਰਿਕ ਕਲਾਸੇਨ ਨੇ 31 ਦੌੜਾਂ ਬਣਾਈਆਂ | ਹਰਸ਼ ਦੂਬੇ ਤੇ ਜੈਦੇਵ ਉਨਾਦਕਟ ਨੇ 1-1 ਵਿਕਟ ਲਈ, ਜਦੋਂਕਿ ਡੇਵਿਡ ਪੇਨੇ ਨੇ 2 ਵਿਕਟਾਂ ਲਈਆਂ | ਇਸ ਮੈਚ ਤੋਂ ਪਹਿਲਾਂ ਪਿਛਲੇ ਸਾਲ 4 ਜੂਨ ਨੂੰ ਜਸ਼ਨ ਦੌਰਾਨ ਸਟੇਡੀਅਮ ਦੇ ਬਾਹਰ ਹੋਈ ਭਾਜੜ ਵਿਚ 11 ਮਿ੍ਤਕਾਂ ਦੀ ਯਾਦ 'ਚ ਸਟੇਡੀਅਮ ਦੇ ਅੰਦਰ 11 ਸੀਟਾਂ ਸਥਾਈ ਤੌਰ 'ਤੇ ਖਾਲੀ ਛੱਡੀਆਂ ਗਈਆਂ | 19ਵੇਂ ਸੀਜ਼ਨ ਦਾ ਦੂਜਾ ਮੈਚ ਮੁੰਬਈ ਇੰਡੀਅਨਜ਼ ਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਕਾਰ ਖੇਡਿਆ ਜਾਵੇਗਾ | ਇਹ ਮੁਕਾਬਲਾ ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ 'ਚ ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ |