ਐਤਵਾਰ ਅਤੇ ਛੁੱਟੀ ਵਾਲੇ ਦਿਨ ਵੀ ਖੁੱਲ੍ਹਣਗੇ ਚੋਣਵੇਂ ਡਾਕਘਰ

ਸੰਗਰੂਰ, 6 ਜੁਲਾਈ (ਚੌਧਰੀ ਨੰਦ ਲਾਲ ਗਾਂਧੀ) – ਡਾਕ ਵਿਭਾਗ ਨੇ ਰੱਖੜੀ ਦੇ ਤਿਉਹਾਰ ਨੂੰ ਵੇਖਦਿਆਂ 15 ਜੁਲਾਈ ਤੋਂ 28 ਅਗਸਤ ਤੱਕ ਐਤਵਾਰ ਅਤੇ ਛੁੱਟੀ ਵਾਲੇ ਦਿਨ ਵੀ ਚੋਣਵੇਂ ਡਾਕਘਰ ਖੁੱਲ੍ਹੇ ਰੱਖਣ ਦਾ ਫੈਸਲਾ ਕੀਤਾ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਡਾਕਘਰ ਐਤਵਾਰ ਅਤੇ ਛੁੱਟੀ ਵਾਲੇ ਦਿਨ ਸਵੇਰੇ 9 ਵਜੇ ਤੋਂ ਸ਼ਾਮ ਸਾਢੇ 4 ਵਜੇ ਤੱਕ ਪਾਰਸਲ ਆਦਿ ਦੀ ਬੁਕਿੰਗ ਲਈ ਖੁੱਲ੍ਹੇ ਰਹਿਣਗੇ। ਅਜਿਹੇ ਡਾਕਘਰਾਂ ਦੀ ਸੂਚੀ ਵਿਚ ਚੰਡੀਗੜ੍ਹ ਦੇ ਸੈਕਟਰ-19, 55, ਖਰੜ, ਮਨੀ ਮਾਜਰਾ, ਜ਼ੀਰਕਪੁਰ, ਲੁਧਿਆਣੇ ਦੇ ਬਸਤੀ ਜੋਧੇ ਵਾਲ, ਕੇਂਦਰੀ ਡਾਕਘਰ, ਮਿੱਲਰ ਗੰਜ , ਬੀ.ਪੀ.ਸੀ, ਮਾਡਲ ਟਾਊਨ, ਸਾਹਨੇਵਾਲ, ਮਾਛੀਵਾੜਾ, ਸਮਰਾਲਾ, ਰਾਏਕੋਟ, ਦੋਰਾਹਾ, ਸਰਹੰਦ, ਰਾਜਪੁਰਾ ਟਾਊਨਸ਼ਿੱਪ, ਮੰਡੀ ਗੋਬਿੰਦਗੜ੍ਹ, ਪਾਤੜਾਂ, ਧੂਰੀ, ਸੁਨਾਮ, ਮਲੇਰਕੋਟਲਾ, ਬਰਨਾਲਾ ਅਤੇ ਅਹਿਮਦਗੜ੍ਹ ਸ਼ਾਮਿਲ ਹਨ।