ਮੱਖੂ, 28 ਮਾਰਚ (ਵਰਿੰਦਰ ਮਨਚੰਦਾ)- ਮਾਂ ਬਗਲਾ ਮੁਖੀ ਮੰਦਿਰ ਮੱਖੂ ਵਿਖੇ ਪਰਮ ਪੂਜਨੀਕ ਗੁਰੂ ਮਾਂ ਕਾਂਤਾ ਦੇਵੀ ਦੇ ਅਸ਼ੀਰਵਾਦ ਸਦਕਾ ਸ਼੍ਰੀ ਰਾਮ ਨੌਮੀ ਉਤਸਵ ਸੰਗਤ ਵੱਲੋਂ ਮੁੱਖ ਸੇਵਾਦਾਰ ਕਾਲਾ ਗਰੋਵਰ ਦੀ ਅਗਵਾਈ ਵਿੱਚ ਮੰਦਰ 'ਚ ਮਹਾਂ ਮਾਈ ਦੀ ਚੌਕੀ ਕਰਵਾ ਕੇ ਮਨਾਇਆ ਗਿਆ | ਮਹਾਂ ਮਾਈ ਦੀ ਪਵਿੱਤਰ ਜੋਤ ਪ੍ਰਚੰਡ ਕਰਨ ਅਤੇ ਪੂਜਣ ਕਰਨ ਦੀ ਰਸਮ ਬੌਬੀ ਕਟਾਰੀਆ ਵੱਲੋਂ ਪਰਿਵਾਰ ਸਮੇਤ ਨਿਭਾਈ ਗਈ | ਪੰਡਤ ਸਿਆ ਰਾਮ ਵੱਲੋਂ ਮਹਾਂ ਮਾਈ ਦਾ ਪੂਜਣ ਸ਼ਰਧਾ-ਭਾਵਨਾ ਨਾਲ ਕਰਵਾਇਆ ਗਿਆ | ਇਸ ਮੌਕੇ ਵੱਡੀ ਗਿਣਤੀ ਸੰਗਤ ਵੱਲੋਂ ਮੰਦਰ ਵਿਖੇ ਨਤਮਸਤਕ ਹੋ ਕੇ ਆਪਣਾ ਜੀਵਨ ਸਫਲ ਬਣਾਇਆ ਗਿਆ | ਮਹਾਂ ਮਾਈ ਦੀ ਚੌਕੀ ਦੌਰਾਨ ਸੰਗਤਾਂ ਵੱਲੋਂ ਮਹਾਂ ਮਾਈ ਦੀਆਂ ਭੇਂਟਾ ਅਤੇ ਜੈਕਾਰਿਆਂ ਨਾਲ ਮੰਦਰ ਭਗਤੀ ਦੇ ਰੰਗ ਵਿੱਚ ਰੰਗਿਆ ਨਜ਼ਰ ਆਇਆ | ਮਹਾਂ ਮਾਈ ਦੀ ਚੌਕੀ ਦੌਰਾਨ ਮਨੋਹਰ ਲਾਲ ਗਰੋਵਰ, ਬੌਬੀ ਕਟਾਰੀਆ, ਕਮਲ ਕਾਸ਼ ਨਰੂਲਾ, ਸੋਨੂੰ ਤਲਵੰਡੀ, ਰਮੇਸ਼ ਬਜਾਜ ਆਦਿ ਵੱਲੋਂ ਮਹਾਂ ਮਾਈ ਦੀਆਂ ਸੁੰਦਰ ਸੁੰਦਰ ਭੇਂਟਾ ਦਾ ਗੁਣਗਾਨ ਕੀਤਾ ਗਿਆ | ਮਾਂ ਬਗਲਾ ਮੁਖੀ ਮੰਦਰ ਦੇ ਮੁੱਖ ਸੇਵਾਦਾਰ ਕਾਲਾ ਗਰੋਵਰ ਵੱਲੋਂ ਸੰਗਤ ਨੂੰ ਪ੍ਰਵਚਨ ਸੁਣਾਉਂਦਿਆਂ ਧਾਰਮਿਕ ਜੀਵਨ ਜਿਊਣ ਦੇ ਮਹੱਤਵ ਬਾਰੇ ਦੱਸਿਆ | ਸ਼੍ਰੀ ਰਾਮ ਨੌਮੀ ਉਤਸਵ ਮੌਕੇ ਵਰਿੰਦਰ ਠੁਕਰਾਲ ਸਾਬਕਾ ਪ੍ਰਧਾਨ ਨਗਰ ਪੰਚਾਇਤ ਮੱਖੂ, ਬਿੱਟੂ ਨਾਰੰਗ, ਸੋਨੂੰ ਖੁਰਾਣਾ, ਧਰਮਜੀਤ ਛਾਬੜਾ, ਅਸ਼ੋਕ ਗਰੋਵਰ, ਵਿਜੇ ਦੱਖਣਾ, ਰਮਨ ਸਚਦੇਵਾ, ਕੇਵਲ ਧਵਨ, ਵਿਵੇਕ ਕਪੂਰ, ਸੁਭਾਸ਼ ਮਨਚੰਦਾ, ਕਰਨ ਗਰੋਵਰ, ਰਾਜ ਕੁਮਾਰ ਹਿੰਦੀ, ਅਰੂਨ ਛਾਬੜਾ, ਭਰਤ ਛਾਬੜਾ ਆਦਿ ਵੱਲੋਂ ਸੇਵਾ ਨਿਭਾਈ ਗਈ |
